कुवेतमा एक नेपालीको सुतेकै ठाँउमा मृत्यु
नोभेम्बर १६- कुवेतमा एक नेपालीको सुतेकै ठाँउमा निधन भएको छ ।
झापा जिल्ला माइधारा घर भएका बिष्णु घिमिरे आज बिहान कुवेतको जिलिप भन्ने स्थानमा ओछ्यानमै मृत अवस्थामा भेटिएका हुन ।
एस.डि.एफ.सि कम्पनीमा ७ बर्ष पहिले कुवेत आएका उनी एजिलीटि कम्पनीमा सवारी चालकको रुपमा कार्यरत थिए ।
मृतक घिमिरे हिजो बेलुका साथीको कोठामा सुतेका थिए ।
मृतक बिष्णु घिमिरे झापाली समाज कुवेतका कार्यकारी सदस्य हुन भने अन्य सामाजिक संस्थामा समेत आवद्ध थिए ।
घिमिरेको निधन पश्चात् कुवेत प्रहरीले शव लगिसकेको बुझिएको छ ।
मृतक घिमिरेको नेपालमा आमा, श्रीमति, एक छोरा र एक बहिनि रहेको बुझिएको छ ।