ऋषि कपुरलाई क्यान्सर
प्रकाशित मिति : आश्विन १९, २०७५ शुक्रबार
बलिउडका चर्चित कलाकारहरुलाई विभिन्न रोगले आक्रमण गरेका सामाचारहरु बढिरहेका छन्। पछिल्लो समय अभिनेता इरफान खान र अभिनेत्री सोनालीलाई खतरनाक रोग लागेको खबर आएका थिए।
अहिले भारतीय संचार माध्यममा अभिनेता ऋषि कपुरलाई क्यान्सर भएको समाचार फैलीरहेको छ। संचारमाध्यमले पछिल्लो पुस्ताका चर्चित अभिनेता रणवीर कपुरका पिता तथा पुरानो समयका लोकप्रिय अभिनेता ऋषि कपुरलाई क्यान्सर लागेको र क्यान्सर पनि तेस्रो चरणमा पुगिसकेको उल्लेख गरेका छन्।
ऋषि कपुरका दाजु अर्थात करिश्मा र करिनाका बुवा तथा अभिनेता रणधीर कपुरले ऋषि कपुरलाई क्यान्सर लागेको हो या होइन भन्ने अहिले स्वयम् ऋषि कपुर र परिवारलाई समेत थाहा नभएको बताएका छन्। उनले स्वास्थ्य जांचको लागि ऋषि कपुर अहिले अमेरिका गएको उल्लेख गर्दै जांच पछि आउने नतिजा आफूहरुले सार्वजनिक गर्ने बताएका छन्। उनले ऋषिलाई क्यान्सर लागेको भनेर अफवाह नफ़ैलाउन मिडियालाई आग्रह समेत गरेका छन्।