लोपोन्मुख जाति लाप्चाको बसोवासस्थल अलपत्र, संरक्षण र प्रचारप्रसार गर्न माग
प्रकाशित मिति : बैशाख १६, २०७५ आईतबार
बैशाख १६, इलाम । इलामको पूर्वी भेगमा न्यून संख्यामा बसोवास गर्ने लोपोन्मुख लाप्चा जातिको बसोवासस्थल अलपत्र परेको छ ।
इलाम सदरमुकाम नजिकै रहेको गोदकको असलेखोला किनारमा परापूर्वकालदेखि बसोबास गर्दै आएका लाप्चा जातिको गुफा, ओखल ढुंगा, जाँतो भएको ठाउँ संरक्षणको अभावमा अलपत्र परेका हुन् ।
ऐतिहासिक स्थल संरक्षणको अभावमा ओझेलमा समेत पर्दै आएका छन् ।
लाप्चाहरुले आफूहरुको बसोबास रहेको स्थान, चमेरे गुफा, असले झरनालगायतका ठाउँको संरक्षण र प्रचारप्रसार गर्न माग गरेका छन् ।
बौद्ध धर्मावलम्बी लाप्चा जातिको आफ्नै पहिरन छ । नेपालमा लाप्चा जातिको जनसंख्या करिब ३ हजार ४ सय ४५ छ ।