विमानस्थल सुरक्षा निजीकरण गर्दै अमेरिका,अब सरकारी शटडाउनले नरोकिने
प्रकाशित मिति : ३० जेष्ठ २०८३, शनिबार
Photo: Izyan Sultanali/ Unsplash
यातायात सुरक्षा प्रशासनले नेतृत्व गरेको हालै घोषित एक नयाँ पहलले आगामी वर्षहरूमा थप विमानस्थलहरूको सुरक्षा व्यवस्थालाई निजीकरण गर्ने लक्ष्य राखेको छ।टीएसए गोल्ड-प्लस नामक यो नयाँ कार्यक्रमले विमानस्थलहरूलाई “सार्वजनिक-निजी साझेदारी”मा सहभागी हुनेविकल्प दिनेछ। यस अन्तर्गत हाल टीएसए अधिकारीहरूले गर्दै आएकासुरक्षा र स्क्रिनिङका कामहरू निजी सुरक्षा कम्पनीहरूले सम्हाल्नेछन्।
टीएसएका अनुसार यसकार्यक्रमले निजी सुरक्षा कम्पनीहरूलाई टीएसए को “मजबुतसंघीय सुरक्षा मापदण्ड” पालना गर्दै प्रत्येक विमानस्थलको आवश्यकता अनुसार सुरक्षा सञ्चालनलाई थप व्यवस्थित बनाउन अनुमति दिनेछ।टीएसए गोल्ड-प्लस कार्यक्रमको वेबसाइटका अनुसार “बढ्दो यात्राभोल्युम” र “परिवर्तनशील सुरक्षा चुनौतीहरू” सँग जुध्न यो पहल सुरु गरिएको हो।
वेबसाइटमा यो कुरा पनि स्पष्ट पारिएको छ कि निजी कम्पनीहरूले सुरक्षा हेर्ने भएकाले टीएसए गोल्ड-प्लस लागू भएका विमानस्थलहरू”लामो संघीय बजेट चक्र”बाट प्रभावित हुने छैनन्। कार्यक्रमको रूपरेखा प्रस्तुत गर्दै वेबसाइटमाभनिएको छ, बलियोसार्वजनिक-निजी साझेदारी मार्फत टीएसए गोल्ड-प्लसले नवीनताको ढोका खोल्नेछ, स्क्रिनिङ क्षमताको विस्तार गर्नेछ, र विश्वस्तरीय सुरक्षा तथा उत्कृष्ट ग्राहक अनुभव प्रदान गर्नेछ।
यद्यपि स्पष्ट रूपमा नभनिए पनि, लामो संघीय बजेट चक्रमाथिको निर्भरता हट्ने उल्लेख गरिनुको अर्थ सरकारी शटडाउनको समयमा पनि टीएसए गोल्ड-प्लसले विमानस्थलहरूको निजी सुरक्षा प्रणाली प्रभावित हुने छैन भन्ने रूपमा व्याख्या गरिएको छ। सन् २०२६ को सुरुतिर भएको पछिल्लो आंशिक सरकारी शटडाउनका कारण टीएसए अधिकारीहरूले समस्या समाधान नभएसम्म बिना तलब काम गर्नुपरेको थियो।
विमानस्थल सुरक्षाको निजीकरण अमेरिकाका लागि कुनै नौलो कुरा भने होइन। टीएसएले हालै पनि आफ्नो ‘स्क्रिनिङ पार्टनरसिप प्रोग्राम’ मार्फत केही निश्चित विमानस्थलहरूमा यात्रु स्क्रिनिङको काम निजी कम्पनीहरूलाई उप-ठेक्कामा दिँदै आएको छ। नयाँ टीएसए गोल्ड-प्लस कार्यक्रम यसै प्रणालीको विस्तारित रूप जस्तो देखिन्छ।
हाल अमेरिकाका २० वटा विमानस्थलहरू एसपीपी कार्यक्रममा सहभागी छन्, जसमा सान
फ्रान्सिस्को अन्तर्राष्ट्रिय विमानस्थल र कान्सास सिटी अन्तर्राष्ट्रिय विमानस्थल जस्ता ठूला विमानस्थलहरू पनि सामेल छन्।टीएसएका अनुसार, एसपीपी विमानस्थलहरूमा स्क्रिनिङ सेवा उपलब्ध गराउने सम्झौता गरेका कम्पनीहरूले टीएसएका सबै सुरक्षा स्क्रिनिङ प्रक्रियाहरू अनिवार्य रूपमा पालना गर्नुपर्छ र एजेन्सीले उनीहरूको कडा निगरानी गर्दछ।
एटलान्टिक सिटी अन्तर्राष्ट्रिय विमानस्थल,कान्सास सिटी अन्तर्राष्ट्रिय विमानस्थल र ओर्लान्डो स्यानफोर्ड अन्तर्राष्ट्रिय विमानस्थल लगायतका अमेरिकी विमानस्थलहरूको सुरक्षा हेर्ने कम्पनी भीएमडी क्रपका एक प्रतिनिधिले आफ्नो कम्पनीलाई पनि टीएसए सरह नै वा कतिपय अवस्थामा त्योभन्दा पनि कडा सुरक्षा र प्रतिक्षा-समय सम्बन्धी मापदण्ड लागू हुने बताएका थिए।
भीएमडीका प्रतिनिधिले यो पनि खुलासा गरे मार्चको सरकारी शटडाउनका क्रममा उनीहरूले आफ्ना कर्मचारीहरूलाई तलब त खुवाए,तर संघीय सरकारले भने त्यस अवधिमा कम्पनीको बिल भुक्तानी गरेको थिएन। भीएमडीका प्रतिनिधिले कम्पनी नयाँ टीएसए गोल्ड-प्लस कार्यक्रम मार्फत निरन्तर साझेदारीका लागि “निश्चित रूपमा विचार गरिरहेको” बताएका छन्, तर यसबारे थप विवरणहरू साझा गर्न भने अस्वीकार गरे।