इजरायली आक्रमणबाट रफाहमा ६७ जना मारिए, आक्रमणले ‘नरसंहार’ निम्त्याउन सक्ने चेतावनी
(240212) — GAZA, Feb. 12, 2024 (Xinhua) — Palestinians check the rubble of a building destroyed in an Israeli air strike in the southern Gaza Strip city of Rafah, on Feb. 12, 2024. More than 100 Palestinians were killed and 160 others injured on Monday in the Israeli army’s fresh round of heavy air strikes on the southern Gaza Strip city of Rafah and surrounding areas, said Hamas-run Health Ministry. (Photo by Rizek Abdeljawad/Xinhua)
गाजाको दक्षिणी भागमा रहेको रफाहमा जारी इजरायली आक्रमणले ‘नरसंहार’ निम्त्याउन सक्ने संयुक्त राष्ट्रसंघका अधिकारीले चेतावनी दिएका छन् । राष्ट्र संघका मानवीय प्रमुख मार्टिन ग्रिफिथ्सले गाजामा प्यालेस्टाइनीहरूले पहिले नै बिना तीव्र र क्रूर आक्रमणको सामना गरिरहेको बताउनुभयो ।
उहाँले रफाहमा भएको आक्रमणको नतिजा विनाशकारी हुने चेतावनी दिनुभएको छ । इजरायलका प्रधानमन्त्री बेन्जामिन नेतन्याहुले हमास लडाकुलाई परास्त गर्ने वाचा गर्नुभएको छ । हमासका लडाकुहरु सहरमा लुकेर बसेको उहाँको आशंका छ ।
१० लाख भन्दा बढी मानिस राफाहमा फसेका छन् र मृत्युको सामना गरिरहेका ग्रिफिथ्सले कठोर शब्दमा भन्नुभएको छ । उहाँले सहरमा खानेकुरा वा औषधिको पहुँच निकै कम भएको र कतै जान सुरक्षित नभएको बताउनुभयो । रफाह इजिप्टको सिमानामा रहेको गाजा पट्टीको दक्षिणमा अवस्थित एउटा सहर हो ।
युद्ध सुरु हुनु अघि यहाँ करिब साढे २ लाख जनसंख्या थियो । इजरायलले नागरिकहरूलाई धेरै क्षेत्रहरू खाली गर्न आदेश दिएपछि अधिकांश मानिसहरु यहाँ आएर बसेका थिए । धेरै मानिसहरु धेरै खराब अवस्थामा यहाँ पालमा बसिरहेका छन् ।
हालैका दिनहरूमा इजरायलले रफाहमा आक्रमणलाई तीव्र पारेको छ । हमासद्वारा सञ्चालित स्वास्थ्य मन्त्रालयका अनुसार यहाँ कम्तिमा ६७ जनाको मृत्यु भएको छ ।