ब्राजिलको उत्तरी अमेजन राज्यमा विमान दुर्घटना, १४ जनाको मृत्यु
प्रकाशित मिति : भाद्र ३०, २०८० शनिबार
ब्राजिलको उत्तरी अमेजन राज्यमा शनिबार एउटा विमान दुर्घटना भएको छ । यो विमान दुर्घटनामा १४ जनाको मृत्यु भएको छ । समाचार एजेन्सी रोयटर्सले स्थानीय मेयरलाई उद्धृत गर्दै राज्यको राजधानी मानौसबाट करिब ४०० किलोमिटर टाढा रहेको बार्सिलोस प्रान्तमा दुर्घटना भएको जनाएको छ।
अमेजनका गभर्नर विल्सन लिमाले यस घटनाप्रति दुःख व्यक्त गरेका छन् । उनले मृतकका परिवारप्रति समवेदना प्रकट गरेका छन् । “शनिबार बार्सिलोनामा भएको विमान दुर्घटनामा १२ यात्रु र दुई चालक दलका सदस्यको मृत्यु भएकोमा म गहिरो दुःख व्यक्त गर्दछु,” गभर्नरले एक्समा (ट्विटर) भने ।
अमेजनका गभर्नरले आफ्नो टोलीले आवश्यक सहयोग उपलब्ध गराउन काम सुरु गरेको बताएका छन् । ‘मेरो सहानुभूति र प्रार्थना मृतकका परिवार र साथीहरूसँग छ’, उनले भने।
जानकारीका अनुसार यो एम्ब्रायर पीटी-एसओजी विमानले अमेजन मनौसबाट उडेको थियो। भारी वर्षाको बीचमा विमान अवतरण गर्न खोज्दा दुर्घटना हुँदा १४ जनाको मृत्यु भएको थियो ।
यसैबीच मानौस एरोट्याक्सी एयरलाइन्सले पनि घटनाको पुष्टि गरेको छ । अनुसन्धान भइरहेको कम्पनीले जनाएको छ । यद्यपी दुर्घटनामा परी ज्यान गुमाउनेहरुको बारेमा थप जानकारी दिइएको छैन ।
मानौस एरोट्याक्सी एयरलाइनले गोपनीयताका कारण थप जानकारी दिन नसक्ने बताएको छ। उनले अनुसन्धान अघि बढेसँगै आवश्यक सबै जानकारी र अपडेट दिइने बताए । केही ब्राजिलका सञ्चारमाध्यमका अनुसार मारिनेमा अमेरिकी नागरिक पनि रहेका छन् । यद्यपि, रोयटर्सले ती रिपोर्टहरूको पुष्टि गरेको छैन।