जर्मनीमा तीनसातादेखि भेन्टिलेटरमा राखिएका कोरोना संक्रमित सुरज थापाको निधन
प्रकाशित मिति : मंसिर १८, २०७७ बिहीबार
कोरोना भाइरसको संक्रमणबाट जर्मनीमा एक नेपालीको मृत्यु भएको छ । विद्यार्थी भिसामा झण्डै एक दशकअघि जर्मनीको फ्यांकफर्ट आएका सुरज थापाको उपचारका क्रममा निधन भएको हो ।
जर्मनीको एक वृद्धाश्रममा काम गर्दै आएका थापा भाइरसबाट संक्रमित भएपछि घरमै उपचार गर्दै आएको जनाइएको छ । आइसोलेसनमा बस्दा बिरामी भएपछि उनलाई अस्पताल लगिएको थियो ।
सिकिस्त बिरामी भएका उनलाई अस्पतालमा भेन्टिलेटरमा राखिएको थियो । उपचारका क्रममा उनलाई तीन साता भेन्टिलेटरमा राखिएको थियो ।
स्थायी घर बुटवल भएका उनी आफ्नै भाइसँग जर्मनीमा बस्दै आएका थिए। थापा स्थानीय नर्सिंग होममा कार्यरत रहेको जनाइएको छ ।