गणेशको तस्वीर अंकित अण्डरवेयर निकाल्ने कम्पनीले माग्यो माफी, बिक्रिबाट समेत हटाइयो
प्रकाशित मिति : मंसिर २८, २०७६ शनिबार
अमेरिकाको न्युजर्सीमा रहेको एउटा कपडा उत्पादन कम्पनीले गणेशको तस्वीर अंकित अण्डरवेयर निकालेकोमा हिन्दुहरुको विरोधपछि उक्त अण्डरवेयरको बेचविखन बन्द गरिएको छ । कम्पनीले उक्त अण्डरवेयर बिक्रिको सुचीबाट अनलाइनबाट समेत हटाइएको जनाइएको छ ।
कम्पनीले माफी माग्दै उक्त अण्डरवेयरको बिक्रि हटाएको जनाएको छ । तेश्रो पक्ष डिजाइनरले डिजाइन गर्दा त्यस्तो गल्ती हुन गएको भन्दै कम्पनीले यसबाट पर्न गएको असुविधाप्रति क्षमायाचना गरेको छ ।
न्युजर्सीको क्लिफ्टनमा मुख्यालय रहेको उक्त कम्पनीले अण्डरवेयरमा गणेशको तस्वीर प्रिन्ट गरेर बजारमा ल्याएको थियो ।
कस्टोमन नामको कम्पनीले यस्तो अण्डरवेयर ल्याएपछि हिन्दु धर्म र भगवानको अपमान भएको भन्दै विरोध गरिएको हो । गणेशको तस्वीर अंकित उक्त अण्डरवेयरको मूल्य १८ डलर ६४ सेन्टस राखिएको थियो ।
उक्त उत्पादनबारेको सेक्सनमा राम्ररी बनाइएको कट्टुमा कामुक देखिन सकिने उल्लेख थियो । यो कम्पनीले टिसर्ट, ज्याकेट लगायतका सामाग्रीहरु समेत बेच्दै आएको छ ।