च्याटबाट १२ बर्षकी बालिकासँग यौन सम्बन्ध राख्न खोज्दा अमेरिकामा नेपाली पक्राउ

अमेरिकाको फ्लोरिडामा पक्राउ परेका २९ बर्षका नेपाली सञ्जय लामाले १२ बर्षकी बालिकासँग यौन सम्पर्क गर्न खोजेको खुलासा भएको छ । फ्लोरिडाको ज्याक्सनभिलमा बस्दै आएका उनले अनलाइनमार्फत १२ बर्षकी बालिकासँग यौन सम्बन्धका लागि भेट्ने प्रयास गरेका थिए ।

लामाले च्याटमा १२ बर्षकी बालिका ठानेर कुरा गरेका व्यक्ति अण्डरकभर एफबीआई एजेण्ट थिए । जब एजेण्टले च्याटमा आफू १२ बर्षकी बालिका भएको बताएका थिए, त्यसपछि पनि लामा उनलाई भेट्नका लागि तयार भएर गएका थिए । मोटरसाइकल चढेर बालिका भेट्न गएका लामा एफबीआईको फन्दामा परेका हुन् ।

१२ बर्षको बालिका बताउने अण्डकभरसँग कुरा गर्दा यसरी फसे अमेरिकामा नेपाली (च्याटको अनुवाद)


केहीदिन अगाडि नियन्त्रणमा लिइएका उनी दोषी प्रमाणित भएमा कम्तीमा १० बर्षको जेल सजाय हुनसक्ने जनाइएको छ । बालबालिकाबिरुद्ध यौन दुब्र्यबहार हुन नदिन अमेरिकी सरकार २००६ देखि यसरी इन्टरनेटमा नक्कली बालबालिकाका एकाउण्ट बनाएर बालबालिकासँग यौन सम्बन्ध राख्न चाहनेहरुलाई कारवाही गर्दै आएको छ ।

गत सेप्टेम्बर २५ मा आफूलाई १२ बर्षकी बालिकाको भेषमा एफबीआईका एजेण्टले लामासँग अनलाइनमा कुराकानी गरेका थिए । लामाले अवेसम ज्याक लामाको एकाउण्टबाट कुराकानी गरेका थिए । त्यसदिनको कुराकानीमा लामाले बालिकाको भेषमा रहेका अण्डरकभर एजेण्टसँग आफू बालिकासँग यौन सम्बन्धका लागि इच्छुक रहेको बताएका थिए ।

लामाले आफूले कस्तोखालको यौन गतिविधि गर्न चाहेको भन्ने सन्दर्भमा समेत विस्तारमा च्याटमा बताएका थिए । त्यसपछि उनीहरुले भेटघाटका लागि स्थान तय गरेका थिए । तय गरेको स्थानमा मोटरसाइकलमा पुग्दा त्यहाँ रहेका एफबीआई एजेण्टले लामालाई नियन्त्रणमा लिएका थिए ।

अमेरिकी सरकारको डिपार्टमेन्ट अफ जस्टिसले च्याटको पूर्व विवरण समेत सार्वजनिक गरेको छ । लामाबिरुद्धको प्रारम्भिक सुनुवाई अक्टोबर १ मा गरिएको थियो ।

लामाबिरुद्ध तयार पारिएको अभियोजन र च्याटको पूर्ण पाठ यहाँ पढ्न सक्नुहुनेछ ।

 

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
Contributing Editor : Bhupendra Thapa

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com