आठ वर्षीय बालकले तोडे २२ वर्षकाे रेकर्ड
प्रकाशित मिति : आश्विन २७, २०७६ सोमबार
एजेन्सी/अस्ट्रेलियाका आठ वर्षीय बालक जेडेन मिल्लौरोले ३ तीन सय १४ किलो तौलको शार्क माछा समातेर रेकर्ड बनाएका छन् । उनी माछा मार्न बुवाका साथ सिड्नी शहरदेखि एक सय ६० किलोमिटर टाढा ‘ब्राउन माउण्टेन’ नजिक पुगेका थिए । उनी ‘पोर्ट हैकिङ्ग गेम फिशिङ्ग क्लब’का सदस्य हुन् । सोही क्लबमार्फत उनी उनी माछा मार्न सिक्दै आएका छन् ।
जेडेनका बुवाका अनुसार उनी जिद्धी गरेर माछा मार्न गएका थिए । उनले भने, ‘शार्क माछा हाम्रो डुंगा पछि-पछि आउँदै थियो । जब छोराले माछा देखे, तब जाल हानेर समाते । त्यसपछि माछालाई डुंगामा राख्न मैले मद्दत गरेँ ।’
स्थानीय मिडियाका अनुसार तीन सय १४ किलो तौल भएको माछा समातेर जेडेनले २२ वर्ष पुरानो रेकर्ड तोडेका छन् । यसअघि इयान हिसे नाम गरेका बालकले सन् १९९७ मा तीन सय १२ किलो तौल भएको टाइगर शार्क माछा समातेका थिए ।