विमान दुर्घटनामा मारिएका माइकल जो नेपालमा भूकम्पजाँदा अग्रमोर्चामा खटिए
प्रकाशित मिति : फाल्गुन २७, २०७५ सोमबार
इथोपियन एयरलाइन्सको विमाना दुर्घटनामा ज्यान गुमाएका माइकल रायनले नेपालमा महाभूकम्प गएको बेलामा आपतकालिन राहत र उद्दारको कार्यमा अग्रपंक्तिमा रहेर काम गरेका थिए । उनको टिम नेपालमा भूकम्पबाट भत्किएका बाटोको निर्माण र पीडित समक्ष राहत सामाग्री लैजान सुरक्षित बाटोको प्रयोगमा खटिएको थियो ।
विमान दुर्घटनामा अरु १५६ जनासँगै ज्यान गुमाएका माइकल आइरिस मुलका हुन् । उनी कार्यकारी प्रमुख इन्जिनियरका रुपमा विश्व खाद्य कार्यक्रममा कार्यरत रहेका थिए । राष्ट्रसंघको वातावरण सभामा भाग लिन जाँदै गर्दा उनी विमान दुर्घटनामा मारिएका हुन् ।
उनले बंगालादेशमा पनि काम गरेका थिए । विमान दुर्घटनामा एकजना नेपाली महिलाको पनि निधन भएको छ ।
