अमेरिकामा बन्दुकधारीको गोलीवाट लमजुङका सुवाश घलेको मृत्यु, एक नेपाली घाइते
प्रकाशित मिति : फाल्गुन १२, २०७५ आईतबार
अमेरिकामा एक बन्दुकधारीको गोलीवाट एक नेपालीको ज्यान गएको छ भने एक जना गम्भिर घाइते भएका छन् ।
केन्टकी राज्यको एलिजावेद टाउनमा टी मार्टका संचालक लमजुङ घर भएका सुवास घलेको ज्यान गएको हो ।
घटनामा परी अर्का प्रयास बानिया गम्भिर घाइते भएका छन् । उनको लुवेल अस्पतालमा उपचार भैरहेको छ । घले केही समयअघि टेक्ससको डलासवाट केन्टकी बसाइसरेका थिए ।
विहिवार राती करिव साढे ११ वजे एक बन्दुकधारी स्टोरमा प्रवेश गरी गोली हानेका थिए । ती हतियारधारीले आफ्नो प्रेमिकालाई समेत गोली हानी हत्या गरेको बताइएको छ ।
मृतकका वुवा आमा नभएको बताइएको छ । घलेका एक दिदी नेपाल र अर्की दिदी वेलायतमा वस्दै आएका छन् भने भाई सिंगापुरमा रहेका छन् ।
प्रहरीले घटनावारे पूर्ण जानकारी नगराएको भएपनि बन्दुकधारीसग सोही दिन दिउसो घलेको समान्य वादविवाद समेत भएको बताइएको छ ।
फोटो : घटनास्थल
अन द स्पट
टक अफ द टाउन युएसए – इमिग्रेशन अपडेट