जापानको नागोयामा एक सुत्केरी नेपाली महिलाको निधन
प्रकाशित मिति : माघ २५, २०७५ शुक्रबार
म्याग्दी राखु स्थायी घर भै रोजगारीको सिलसिलामा जापानको नागोयामा रहँदै आएकी प्रमिला दर्जीको बिहीबार साँझ उपचारको क्रममा अस्पतालमा निधन भएको छ ।
१ महिना अगाडि सुत्केरी भएकी दर्जी ब्रेन ट्यूमरबाट पीडित थिईन् । उनको उपचारको क्रमममा हिजो साँझ अस्पतालमा निधन भएको मोना जापानका अध्यक्ष दिपक केसीले बताए ।
४ वर्ष अगाडि विद्यार्थीकारुपमा जापान आएका र हाल रोजगारीमा संलग्न दिनेश दर्जीकी धर्मपत्नी प्रमिलाले एकमहिना अगाडि एक छोरीको जन्म दिएकी थिईन् । सन्तानको जन्म दिएपनि १ महिनाको शिशुको पालनपोषण गर्ने, हुर्काउने जिम्मेवारी र पत्नी वियोगको पीडामा अहिले दिनेश भावविह्वल भएका छन् ।
प्रमिलाको उपचारका लागि मोना जापानले आर्थिक सहयोग जुटाउने तिब्र अभियान चलाईरहेको र आउँदो आइतबार संकलित रकम हस्तान्तरण गर्ने कार्यक्रम रहेको थियो ।
स्व। प्रमिलाको भोलि शनिवार बिहान ९स्२० बजे मियकेनको निशिबेस्शो, कुवाना भन्ने ठाउंमा अन्त्येष्टी गर्ने तैयारी भईरहेको नागोयाबाट मोना अध्यक्ष केसीले बताए ।
नवजात शिशुको अवस्था भने समान्य रहेको बताइएको छ । शिशुलाई थप पालनपोषणका लागि नेपालमै लैजाने तयारी भइरहेको छ।