KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas KHASOKHAS E-MAGAZINE

नेपाली पर्यटक अमेरिका जाँदा लाग्ने भिसा दस्तुर बढ्यो

प्रकाशित मिति : पुस १३, २०७५ शुक्रबार

नेपालबाट पर्यटक भिसामा अमेरिका जाने नेपालीहरुको भिसा शुल्क आगामी वर्षबाट बढ्ने भएको छ । यसअघि एक सय डलर तिरे पुग्नेमा अब एक सय ६० डलर तिर्नुपर्ने भएको हो ।

सञ्चारमन्त्री गोकुल वास्कोटाले भिसा शुल्क पारस्परिक बनाउने विषयमा अमेरिकासँग सहमति भएको बिहीबार आयोजित पत्रकार सम्मेलनमा जानकारी दिए ।

‘सन् २०१९ जनवरी १ देखि पर्यटक भिसामा ५ वर्षे (१८० दिन प्रतिवर्ष) बहुप्रवेशी भिसा लिँदा अमेरिकी र नेपाली पर्यटक दुबैले अमेरिकी डलर १६० दस्तुर तिर्नुपर्ने छ’ मन्त्री बास्कोटाले भने, ‘हाल अमेरिकी नागरिकले १६० डलर र नेपाली नागरिकले १०० डलर दस्तुर तिर्नुपर्ने व्यवस्था छ ।’

गृह मन्त्रालयका प्रवक्ता रामकृष्ण सुबेदीले तीन वटा भिसा क्याटगोरी अघिल्लो देउवा सरकारकै पालामा पारस्परिक बनाइएकोले अहिले पर्यटक भिसालाई पनि पारस्परिक बनाउनुपरेको बताए ।

Loading...

‘अघिल्लो सरकारले तीन वटा वर्ग (प्रेस, अध्ययन र वर्किङ) का भिसा शुल्क समान बनाउने सहमति गरिसकेपछि बाँकी एउटा वर्गको पनि समान बनाउनुपर्ने वाध्यता प¥यो,’ उनले भने । तर, यसबाट नेपाललाई समग्रतामा घाटा भने नपर्ने उनको तर्क छ ।

‘भिसा अवधि बढेको र अमेरिकाबाट नेपाल आउने पर्यटक तुलनात्मक रुपमा धेरै हुने भएकाले हामीलाई घाटा हुँदैन,’ सुबेदीले अनलाइनखबरसँग भने ।
स्टुडेन्ट भिसाको शुल्क घटाउन पहल गरेको दावी

Loading...

सरकारले अध्ययनका लागि अमेरिका जाने विद्यार्थीले अमेरिकी दुतावासलाई २ सय डलर अतिरिक्त शुल्क बुझाउनुपर्ने प्रावधान हटाउन पहल गरेको छ । यसका लागि परराष्ट्र मन्त्रालयबाट अमेरिकी सरकारसँग प्रारम्भिक कुरा गरिएको सञ्चारमन्त्री तथा नेपाल सरकारका प्रवक्ता गोकुल बास्कोटाले बताए ।

गत पुस ६ गते र पुस ९ गते बसेको मन्त्रिपरिषद् बैठकले सो शुल्क हटाउन पहल गर्ने जिम्मेवारी परराष्ट्रलाई दिएको थियो ।

‘अतिरिक्त शुल्क हटाउनेबारे अमेरिकी सरकारलाई आग्रह गरेका छौं । त्यसप्रति अमेरिकी सरकार सकारात्मक भएको छ,’ मन्त्री बास्कोटाले भने ।
यस विषयमा परराष्ट्रका प्रवक्ता भरतराज पौडेलसँग जिज्ञासा राख्दा उनले भने अनभिज्ञता व्यक्त गरे ।

‘हाम्रो तर्फबाट पहल भएको छैन, गृहलाई सोध्नुस,’ प्रवक्ता पौडेलले भने ।

नेपालबाट पर्यटक भिसामा भन्दा अध्ययन भिसामा बढी नेपाली नागरिकहरु अमेरिका जाने गरेको तथ्याङ्क रहेको भन्दै उनले अतिरिक्त शुल्क हटेमा धेरै नेपाली युवा लाभान्वित हुने विश्वास व्यक्त गरे । गैरपयर्टकतर्फ हाल प्रेस, अध्ययन तथा वर्किङ् भिसामा नेपालीहरु अमेरिका जाने गर्छन् ।

भिडियो हेर्नुहोस्

थप रोचक शीर्षकहरु

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com