अब दलाललाई लाखौं बुझाएर गैरकानुनी रुपमा अमेरिका छिर्ने नेपालीले एसाइलम गर्न नपाउने

खसोखास अमेरिका ब्यूरो

---

प्रकाशित मिति : कार्तिक २४, २०७५ शनिबार

अमेरिकी राष्ट्रपति डोनाल्ड ट्रम्पले जारी गरेको नयाँ कार्यकारी आदेशसँगै अब दलाललाई लाखौं बुझाएर गैरकानुनी रुपमा अमेरिका छिर्ने नेपालीले एसाइलम गर्न नपाउने भएका छन् । पछिल्लो बर्षमा दलाललाई ५० लाख सम्म बुझाएर गैरकानुनी रुपमा अमेरिका छिरेर एसाइलम गर्ने नेपालीहरुको संख्या सयौं रहेको छ ।

अमेरिकी राष्ट्रपति डोनाल्ड ट्रम्पले सिमाक्षेत्रबाट गैरकानुनीरुपमा अमेरिका छिर्ने आप्रवासीहरुलाई एसाइलम गर्ने अधिकारबाट वञ्चित गर्ने घोषणापत्रमा हस्ताक्षर गरेपछि त्यसको प्रभाव नेपालीहरुमा पनि पर्ने भएको हो । गैरकानुनी रुपमा सिमाक्षेत्रबाट प्रवेश गरेर अमेरिकामा एसाइलम पाउने नेपालीहरु विश्वमै सातौं नम्बरमा रहेका छन् ।

गैरकानुनी रुपमा सिमा पार गरेर अमेरिका आउनेहरु अब एसाइलमका लागि अयोग्य हुने

ट्रम्पले नयाँ घोषणापत्रमा हस्ताक्षर गरेपछि अब अमेरिकाको पोर्ट अफ इन्ट्रीबाहेक अरु क्षेत्रबाट गैरकानुनी रुपमा अमेरिका छिर्नेले एसाइलमका लागि आवेदन दिन पाउनेछैनन् । तर पोर्ट अफ इन्ट्रीमा आत्मसमर्पण गर्न जाँदा ठाउँ खाली नरहेको भन्दै फर्काइदिने भएकाले पोर्ट अफ इन्ट्रीमा आत्मसमर्पण गरेर क्रेडिबल फियर अन्तरवार्ता उत्तिर्ण गर्नेहरुको संख्या निकै कम छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

ट्रम्पको घोषणा शनिबार विहानदेखि लागु भएको छ । नयाँ घोषणासँगै अमेरिकी सिमाक्षेत्रबाट कम्तीमा अबको ९० दिनभित्र गैरकानुनी रुपमा प्रवेश गर्नेहरु एसाइलमका लागि आवेदन दिन योग्य हुनेछैनन् । तर यो नियम पोर्ट अफ इन्ट्रीमा आएर आफूलाई स्वदेश फर्कन खतरा रहेको तथ्य पेश गर्नेहरुका हकमा भने लागु हुनेछैन ।

ट्रम्पबाट गैरकानुनी रुपमा अमेरिका छिर्नेले एसाइलम आवेदन दिन नपाउने कार्यकारी आदेश जारी