न्याय नपाउदासम्म राहत बुझ्दैनौ : निर्मलाका परिवार
प्रकाशित मिति : आश्विन २७, २०७५ शनिबार
बलात्कारपछि हत्या गरिएकी कञ्चनपुरकी निर्मला पन्तका परिवारले न्याय नपाउदासम्म राहत रकम नलिने बताएका छन ।
हत्या गरिएको ढाई महिनासम्म पनि छोरीको बलात्कारपछि हत्या गर्ने अपराधि पत्ता लाग्न नसेकपछि निशास बनेको परिवारले राहत नलिने जनाएको छ ।
निर्मलाकी आमा दुर्गादेवी पन्तले छोरीका हत्यारा पत्ता नलागेसम्म सरकारले दिने राहत रकम नबुझने बताउनुभयो ।
निर्मलाको हत्यारा पत्ता लगाउन माग गर्दै महेन्द्रनगरमा भएको आन्दोलनमा प्रहरीको गोली लागेर मृत्यु भएका सन्नी खुनाका परिवारले राहत रकम बुझिसकेका छन ।
निर्मला र खुन्नाका परिवारललाई केन्द्र सरकारले १० लाख, प्रदेश सरकारले ५ लाख र भिमदत्त नगरपालिकाले ३ लाख रुपैया राहत दिने घोषणा गरेको थियो ।
आन्दोलनका क्रममा मृत्यु भएका खुन्नाका परिवारले राहत बुझेपछि निर्मलाका परिवारलाई पनि राहत रकम बुझ्न भनिएको थियो ।
तर, निर्मलाका आमा दुर्गा पन्तले भने राहत रकम भन्दा न्याय दिलाउन सरकारसग आग्रह गर्नुभयो ।
निर्मलाका बलात्कारपछि हत्या भएको करिव तिन महिना पुग्न लाग्दै पनि अपराधि पत्ता लाग्न सकेको छैन ।
घटनाको अनुसन्धानका लागि विभिन्न समिति र टोली कञ्चनपुर पुगेपनि अपराधि नजिक पुग्न सकेको छैन ।