सरकारद्वारा अवैध कारोबार नियन्त्रणमा चीनको सहयोग माग
प्रकाशित मिति : जेष्ठ २२, २०७५ मंगलबार
सरकारले सुन तस्करी र डलरको अवैध कारोबार नियन्त्रणमा चीनको सहयोग मागेको छ ।
गृहमन्त्री रामबहादुर थापाले नेपालका लागि चिनिया राजदूत यू होङसँगको भेटमा चीनको नाकाबाट सुन तस्करी र डलरको अवैध कारोबार भइरहेको भन्दै नियन्त्रणमा ध्यान दिन आग्रह गर्नुभएको हो ।
जवाफमा राजदुत होङले त्यसबारे आफ्नो देशको सम्बन्धित निकायमा जानकारी गराउने जवाफ दिनुभएको थियो ।
यस्तै, मन्त्री थापाले नेपालको सुरक्षा निकायको भौतिक संरचना, उपकरण र तालिममा चीनले गर्दै आएको सहयोगका लागि धन्यवाद दिँदै आगामी दिनमा पनि त्यसको निरन्तरतका लागि राजदूत होङसँग आग्रह गर्नुभएको थियो ।