भ्रष्टाचार म पनि गर्दिन र गर्नेलाई पनि छोड्दिन -प्रधानमन्त्री ओली
प्रकाशित मिति : जेष्ठ २१, २०७५ सोमबार
प्रधानमन्त्री केपी शर्मा ओलीले देश विकासका लागि भ्रष्टाचार जरैदेखि उखेल्नु पर्ने बताउनु भएको छ । भ्रष्टाचार म पनि गर्दिन र गर्नेलाई पनि छोड्दिन प्रधानमन्त्री ओलीको भनाइ छ ।
प्रदेश नम्बर ३ को प्रदेशसभा बैठकलाई सम्बोधन गर्दै प्रधानमन्त्री ओलीले प्रदेश सरकारलाई भ्रष्टाचार विरुद्ध सजग भएर लाग्न आग्रह गर्नुभयो । भ्रष्टाचार विकासको अवरोध रहेको र त्यसलाई उखेल्नु पर्ने ओलीको भनाई छ ।
विकास र जनताका आकांक्षा पूरा गर्नका लागि अहिले देशको परिवेश अनुकुल रहेको र यसलाई प्रदेश तथा केन्द्र सरकारले अवसरको रुपमा लिनु पर्ने उहाँको भनाइ छ ।
प्रधानमन्त्री ओलीले आफ्नो सरकार सिन्डिकेट विरुद्ध डटेर लागेको स्पष्ट पार्नुभयो । ओलीले सबै अवरोधहरु तोडेर विकासका लागि अघि बढ्न आग्रह गर्नुभयो ।