संयुक्त राष्ट्रसङ्घ भन्छ : गाजामा २० लाखभन्दा बढी मानिस फसे
प्रकाशित मिति : पुस ६, २०८१ शनिबार
Palestinians walk on a dirt road lined with building rubble in the Shujaiya neighbourhood of Gaza City on October 7, 2024, on the first anniversary of the ongoing war in the Gaza Strip between Israel and the Palestinian Hamas group. (Photo by Omar AL-QATTAA / AFP)
इजरायलले लगातार हमला गरिरहेको गाजामा २० लाख भन्दा बढी मानिसहरू फसेका तथ्य बाहिर आएको छ ।
गाजामा अहिले फेरी मौसमको प्रतिकुलता थपिएको छ । धरै मानिसहरु जाडो सुरु भएपनि अभावका कारण गर्मी मै लगाउने एकसरो लुगा लगाएर हिड्न बाध्य भएका छन ।
संयुक्त राष्ट्र सङ्घको राहत र कार्य एजेन्सी (युएनआरडब्लुए ) का आपतकालीन अधिकारी लुइस वाटरिजले बताएका हुन ।
युएनआरडब्लुएले हालैका दिनहरूमा गाजामा खराब अवस्था जारी रहने अपेक्षा गरेको छ । यसका बाबजुद पनि एजेन्सीलाई आश्रय सहायताभन्दा खानालाई प्राथमिकता दिन बाध्य पारिएको छ ।
यसैबीच, संयुक्त राष्ट्र सङ्घको अन्तर्राष्ट्रिय बाल आपतकालीन कोष (युनिसेफ) ले गाजाका बालबालिकामा जारी सङ्कटको असरप्रति गहिरो चिन्ता व्यक्त गरेको छ ।
गाजामा युनिसेफका प्रमुख सञ्चार अधिकारी रोसालिया बोलिनले बालबालिकाको एउटा पुस्ताले आफ्नो अधिकारको गम्भीर उल्लङ्घन र आफ्नो भविष्यको विनाशको पीडा भोगिरहेको कुरा प्रकाश पारे ।
चौध महिनाभन्दा बढी समयदेखि बालबालिका विपद्को छेउमा बाँचिरहेका छन् । जसमा १४ हजार ५०० भन्दा बढी बालबालिकाको मृत्यु भएको र हजारौं घाइते भएका छन् ।
युनिसेफले पनि जाडो सुरु हुने बित्तिकै स्थिति खराब हुने चेतावनी दिएको छ । गाजाका बालबालिकाहरू चिसोको सामना गरिरहेका छन् । धेरैले अझै गर्मीको लुगा लगाएर खाली खुट्टा हिंडिरहेका छन् ।