बाइडेन प्रशासनले अक्टोबर १ देखि सिमाक्षेत्रमा एसाइलमको नियम झन् कडा बनाउने
प्रकाशित मिति : आश्विन १४, २०८१ सोमबार
Members of the Mexican Government’s Beta Group help a migrant girls who swam back to Mexico with her mother after reaching the US bank of the Rio Bravo river (Rio Grande in the US) and being stopped by members of the US National Guard reinforcing a barbed-wire fence along border river, in Matamoros, state of Tamaulipas, Mexico, on May 10, 2023. A surge of migrants is expected at the US-Mexico border cities as President Biden administration is officially ending its use of Title 42. On May 11, President Joe Biden’s administration will lift Title 42, the strict protocol implemented by previous president Donald Trump to deny entry to migrants and expel asylum seekers based on the Covid pandemic emergency. (Photo by Alfredo ESTRELLA / AFP)
बाइडेन प्रशासनले अक्टोबर १ देखि सिमाक्षेत्रमा एसाइलमको नियम झन् कडा बनाउने भएको छ । आज राष्ट्रपति जो बाइडेनले अमेरिकी दक्षिणी सीमामा एसाइलममा पहुँच सीमित गर्ने आफ्नो कार्यकारी आदेशमा अपडेट जारी गरेका छन् ।
अपडेट गरिएको नियमन अन्तर्गत बाइडेन प्रशासनले अब विनाभिसा सीमा पार गर्नेहरूको संख्या २८ दिनसम्म लगातार १५ सयभन्दा कम रहेको खण्डमामात्र प्रतिबन्ध हटाउनेछ । गत जुनमा बाइडेन प्रशासनले ल्याएको नियममा एकसातासम्म लगातार विनाभिसा प्रवेश गर्नेको संख्या १५ सयभन्दा कम रहेमा प्रतिबन्ध हटाउने उल्लेख थियो । तर अब उक्त समयसिमा बढाइएको छ ।
दैनिक थ्रेसहोल्डमा यस अगाडि गैर सम्बन्धित देशहरूका बाबुआमाको साथमा नरहेका बालबालिकाहरु समावेश नभएकोमा अहिले यो संख्या समेत समावेश गरिएको छ । नयाँ नीति अक्टोबर १, २०२४ मा मध्यरातबाट तुरुन्तै लागू हुनेछ।
अमेरिकी राष्ट्रपति बाइडेनको एसाइलम प्रतिबन्ध लागु भएदेखि अमेरिका मेक्सिको सीमामा आप्रवासीको गिरफ्तारी घटेको छ । गैरकानूनी रूपमा अमेरिका मेक्सिको सीमा पार गर्ने आप्रवासीको संख्या घटेको हो । यसले नयाँ बाइडेन प्रशासनको नयाँ नीतिले केही अवैध आप्रवासनलाई रोकिरहेको संकेत गरेको छ।
नोभेम्बर ५ को चुनाव अघिको महिनाहरूमा अध्यागमनको विषय अमेरिकीहरूको लागि शीर्ष मुद्दाको रूपमा देखा परेको छ । किनभने उक्त चुनावले ह्वाइट हाउस र संसदमा कस्को नियन्त्रण हुने भन्ने कुराको निर्णय गर्नेछ।
बाइडेनको नियमले विनाभिसा सिमा पार गर्नेहरुको संख्या औषतमा १५ सयभन्दा माथि भएपछि सिमाक्षेत्रमा एसाइलममा प्रतिबन्ध लगाउँछ । गैरकानूनी क्रसिङहरू हटाउन देशनिकालाको उपाय महत्त्वपूर्ण रहेको अधिकारीहरुले बताएका छन् ।
आइसले हरेक दिन लगभग पाँच देखि सातवटा देशनिकालाका उडानहरु सञ्चालन गर्दै आएको छ । मुख्य रूपमा मध्य अमेरिका र पश्चिमी गोलार्धका अन्य राष्ट्रहरूमा देशनिकालाका लागि यी उडानहरु संचालित छन् । ती उडानहरूले सामान्यतया लगभग १०० देखि १२० जना निर्वासितहरू बोक्छन्। उडानहरूलाई तिनीहरूको लागतको अतिरिक्त महत्त्वपूर्ण योजना र समन्वय आवश्यक पर्दछ।
बाइडेन प्रशासनले उडानका अतिरिक्त मेक्सिकोसँगको स्थल सीमामार्फत थप आप्रवासीहरूलाई फिर्ता पठाइरहेको छ । मेक्सिकोका अधिकारीहरूले मध्य अमेरिकीहरू, क्युबालीहरू, हाइटियनहरू र भेनेजुएलाका नागरिकहरुलाईमात्र फिर्ता लैजाने सिमितता कायम गरेकाले अरु देशका नागरिकहरुलाई उडानमार्फत पठाउनुपर्छ ।
मेक्सिकोले नेपाल, चीन, भारत, अफ्रिकाका राष्ट्रहरू र विश्वका अन्य ठाउँहरूबाट अमेरिका प्रवेश गरेका आप्रवासीहरूलाई फिर्ता लिदैन । ती देशका नागरिकहरुलाई शरण लिन अयोग्य सावित गर्दा पनि नयाँ प्रतिबन्धहरूले उनीहरुलाई द्रुत निर्वासन गर्न सक्दैन । किनभने उनीहरुलाई उडानमार्फत फरक प्रकृया अपनाएर देशनिकाला गर्नुपर्ने हुन्छ ।