विनाभिसा सिमा पारेर अमेरिका प्रवेश संख्यामा पाँचौं महिना पनि गिरावट, सेप्टेम्बर २०२० यताकै कम
प्रकाशित मिति : श्रावण १८, २०८१ शुक्रबार
Migrants pray before crossing the Rio Bravo river, known as Rio Grande in the United States, into the US through Ciudad Juarez, Chihuahua State, Mexico, on January 2, 2024. US border police have in recent weeks reported approximately 10,000 crossings by migrants every day, many of them fleeing poverty and violence in Central America. (Photo by Herika MARTINEZ / AFP)
अमेरिकाको दक्षिणी सिमानामा आप्रवासीहरूद्वारा विनभिसा सिमापार गर्ने क्रम क्रसिङ जुलाईमा अझ घटेको छ । यो क्रममा विगत ५ महिनादेखि लगातार कमी हुँदै आएकोमा जुलाईमा २०२० को सेप्टेम्बरपछिको सबैभन्दा कमी आएको छ ।
अमेरिकी सीमा गस्ती एजेन्टहरूले जुलाईमा अमेरिका मेक्सिको सिमाना क्षेत्रमा लगभग ५६ हजार आप्रवासीलाई पक्राउ गरेका छन् । जुन सेप्टेम्बर २०२० पछिको सबैभन्दा कम संख्या हो । त्यतीबेला एजेन्सीले लगभग ५५ हजार पक्राउहरु रिपोर्ट गरेको थियो ।
डिसेम्बरमा टेक्सास र एरिजोनाका केही भागहरूमा एजेन्टहरूले २ लाख ५० हजारलाई पक्राउ गरेका थिए । जुन जुलाईको संख्याको तुलनामा चार गुणा बढी थियो । जुलाईमा सीमा पार गर्ने क्रममा उल्लेखनीय कमीले यो बर्ष सुरु भएको गैरकानुनी आप्रवासनमा उल्लेखनीय गिरावट जारी रहेको छ ।
सीमा गस्तीले जुनमा ८४,००० आप्रवासीलाई पक्राउ गरेको थियो । यो संख्या मे मा १ लाख १८ हजार, अप्रिलमा १ लाख २९ हजार, मार्चमा १ लाख ३७ हजार र फेब्रुअरीमा १ लाख ४१ हजार रहेको थियो । ती तथ्याङ्कहरूमा पोर्ट अफ इन्ट्रीबाट भएका आधिकारिक सीमा क्रसिङहरु समावेश छैनन् । बाइडेन प्रशासनले मेक्सिकोमा पर्खिरहेकाहरूलाई अपोइन्टमेन्टहरू वितरण गर्ने फोन एप मार्फत प्रति दिन लगभग १५ सय आप्रवासीहरूलाई प्रशोधन गरिरहेको छ ।
अमेरिकी अधिकारीहरूले हालैका हप्ताहरूमा सीमा क्रसिङमा ठूलो कमी आएको कारण राष्ट्रपति बाइडेनले जुनको सुरुमा जारी गरेको घोषणा भएको बताएका छन् । उक्त घोषणाले अमेरिकी शरण प्रणालीमा नाटकीय रूपमा पहुँच कम गरेको छ।
यति उसंख्या ल्लेखनीय रूपमा घटेको छ कि दैनिक अवैध सीमा पार गर्नेहरुको संख्या साप्ताहिक औसतमा १५ सयको थ्रेसहोल्डको नजिक छ । उक्त थ्रेसहोल्ड पूरा भएमा बाइडेन प्रशासनले सिमाक्षेत्रमा लगाएको प्रतिबन्ध हटाउनेछ । डिसेम्बरमा सीमा गस्तीले प्रति दिन लगभग ८ हजार अवैध क्रसिङ रेकर्ड गरेको थियो ।