क्रोएसियाको एक नर्सिङ होममा गोली चल्दा ६ जनाको मृत्यु, आक्रमणकारी पूर्व सैनिक रहेको खुलाशा
प्रकाशित मिति : श्रावण ८, २०८१ मंगलबार
(240722) — DARUVAR, July 22, 2024 (Xinhua) — Police cordon off the crime scene of a shooting in Daruvar, Croatia, July 22, 2024. Six people were killed and four others wounded in a shooting at the Home for the Elderly and Infirm in Daruvar, eastern Croatia, on Monday, according to local police. (Damir Spehar/PIXSELL via Xinhua)
क्रोएसियाको एक नर्सिङ होममा गोली चल्दा ६ जनाको मृत्यु भएको छ । पूर्वी सहर दारुवरको एक नर्सिङ होममा भएको गोलीकाण्डमा एक कर्मचारीसहित पाँच जनाको मृत्यु भएको थियो भने अर्का एक जनाको पछि अस्पतालमा मृत्यु भएको हो ।
आक्रमणमा परी कैयौं घाइते भएको र चार जनाको अवस्था चिन्ताजनक रहेको प्रहरीले जनाएको छ ।
क्रोएसियाली मिडियाका अनुसार आक्रमणकारी हमलापछि घटनास्थलबाट भागेका थिए र पछि क्याफेमा पक्राउ परेका थिए। उनको साथबाट हतियार समेत बरामद भएको छ ।
आक्रमणपछि देशमा बन्दुक नियन्त्रणमा कडाइको माग उठ्न थालेको छ ।
क्रोएसियाका राष्ट्रपति जोरान मिलानोभिकले गोली प्रहारबाट आफू स्तब्ध भएको बताएका छन् । उनले देशमा बन्दुकसम्बन्धी नियम ‘अझै कडा’ बनाउने कुरा गरेका छन् ।
प्रधानमन्त्री एन्ड्रेज प्लेन्कोभिकले यसलाई ‘भयानक आक्रमण’ भनेर वर्णन गर्दै पीडितहरूप्रति समवेदना व्यक्त गरे। स्थानीय मिडियाबाट प्राप्त जानकारी अनुसार आक्रमणकारी एक पूर्व सैनिक हुन् ।