भारतसामु रुसी सेनामा आबद्ध नेपालीहरुको गुहार- ‘हामी फर्किन चाहान्छौं, सहयोग गर्नुस्’ (भिडियो)
प्रकाशित मिति : फाल्गुन २८, २०८० सोमबार
रुस र युक्रेनबीचको युद्धमा धेरै नेपालीहरु पनि फसेका छन् । रुस र युक्रेनबीचको युद्धमा फसेका रुसी सेनामा आबद्ध सैनिकहरुले भारतसँग सहयोगको याचना गरिरहेका छन् । रुसी सेनामा सहयोगीका रूपमा काम गर्न पुगेका नेपालीहरु त्यसको सट्टा अहिले युक्रेनविरुद्ध युद्ध लड्न बाध्य भएका छन् ।
अहिले रुसी सेनामा आबद्ध नेपालीहरुको एउटा भिडियो अहिले सामाजिक सञ्जालमा भाइरल भइरहेको छ । यसमा ती मानिसहरू कडा चिसोमा आश्रयमा लुकेर बसेको देख्न सकिन्छ । एक सैनिकले भारत सरकारसँग सहयोगको याचना गरिरहेका छन् ।
तीमध्ये एक सैनिकले भनेका छन्, ‘हामी नेपालबाट आएका हौँ । एजेन्टले झूट बोलेर हामीलाई रूस पठायो र अहिले हामी धेरै कठिनाइहरूको सामना गरिरहेका छौं । हामीलाई रुसी सेनामा सहायकको रूपमा काम गर्न भनियो । तर, हामीलाई युद्धमा लड्न पठाइयो ।’
उनले आफूसँगै भारतका तीनजना व्यक्ति पनि रहेको दाबी गरे, जसलाई भारत सरकारले निकालेको छ । उनले भने, ‘नेपाली दूतावासले हामीलाई कुनै सहयोग नगरेको बताए । त्यसैले हामी छिमेकी राष्ट्र भारतसँग सहयोग माग्न चाहन्छौँ ।’
ती सैनिकहरूले थप भने, ’हामीलाई भारतबाट धेरै आशा छ कि यसले हामीलाई पनि मद्दत गर्नेछ र हामीलाई निराश गर्नेछैन । नेपाल र भारतको सम्बन्ध धेरै राम्रो छ, त्यसैले हामी तपाईहरुसँग सहयोग माग्न चाहन्छौं । किनभने तपाईको देश र दूतावास धेरै शक्तिशाली छन् । यहाँका सबै नेपाली दाजुभाइ फर्किन चाहन्छन् । किनकी हामी ठगिएका छौं ।’
उनले सुरुमा ३० जना रहेकामा अहिले ५ जना मात्रै बाँकी रहेको बताएका छन् ।
Nepali people stranded in Russia have appealed to the Indian government to rescue them as their appeals to the Nepali govt have gone in vain
There were 30 Nepalese in the group. Only 5 of them survived at the front. The powerful Modi govt has saved the Indians present with them pic.twitter.com/irb0XyIBQs
— Megh Updates 🚨™ (@MeghUpdates) March 11, 2024