Follow @khasokhasmag

प्रहरी सहायक निरीक्षकको हत्याका आरोपीले गरे आत्मसमर्पण


प्रकाशित मिति : श्रावण १८, २०७४ बुधबार

– हरिहरसिंह राठौर

श्रावण १८, २०७४-

गत बिहीबार खनियावासको  दार्खास्थित प्रहरी चौकीमा कार्यरत असई बीरुबहादुर  गुरुङको हत्या गरी फरार भएका शान्तलाल भनिने सुशील गुरुङले बुधबार  प्रहरी समक्ष आत्मसमर्पण गरेका छन् ।
गत बिहीबार मध्यरातमा आफू कार्यरत छिमेकीगाउँ मार्पाकदेखि घर आउँदा मृतक असई र श्रीमती तारालाई कोठामा आपत्तीजनक अवस्थामा फेला पारेपछि आवेशमा  आएर २ मुक्का हानेर ढोका थुन्ने बाँसको आग्लोले प्रहार गरेपछि असई  भागेको बयान दिएका छन्  । असईभन्दा श्रीमती अगाडि भागेको र पछि असई भागे पनि खोज्दा फेला नपरी भोलीपल्ट मृत अवस्थामा फेला परेपछि आफू गाउँबाट भागेर मार्पाकमै  पुगेको उनले बताएका छन् ।
सुशीलले आफू सम्वद्ध राजनीतिक दल मार्फत आत्मसमर्पण गरेका हुन् । घटना लगत्तै जिल्ला प्रहरीको टोली दार्खा पुगेर अनसन्धान गरी श्रीमती तारा थापामगरलाई गत शुक्रबार नै हिरासतमा लिइसकेको छ ।
आत्मसमर्पण पछि प्रहरी नायव उपरिक्षक दिपेन्द्र पंजीयार थारुले स्वतन्त्र र निस्पक्ष रुपले छानबिन गरी  मुद्दा अघि बढाइने बताए ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com