Follow @khasokhasmag

पृथ्वी राजमार्गको हुग्दी पुलबाट गाडी खस्यो, तीन जना घाइते


प्रकाशित मिति : श्रावण १७, २०७४ मंगलबार

– हरिहरसिंह राठौर

श्रावण १७, २०७४- काठमाडौंबाट चितवन तर्फ जाँदै गरेको ना ६ ख ४७३८ नम्बरको मालवाहक डिब्बा गाडी धादिङको जोगिमारास्थित हुग्दीखोलाको पुलबाट मंगलबार बिहान खसेको छ ।

डिब्बा गाडी ना ५ त ९१५६ नम्बरको ट्याक्टरलाई ठक्कर दिएपछि हुग्दीखोला पुलबाट खोलामा खसेको हो । पुलबाट खसेपछि गाडी चालक र सहचालक दुवै सख्त घाइते भएका छन् ।

घाइते हुनेमा चालक सिन्धुपाल्चोकका प्रकाश श्रेष्ठ र सहचालक सिन्धुपल्चोककै दिलीप सापकोटा र ट्याक्टरमा सवार धादिङका निरज चेपाङ छन् । उनीहरुको स्थानीय स्वास्थ्य संस्थामा उपचार भइरहेको गजुरीस्थित इलाका  प्रहरी कार्यालयले जनाएको छ।

बिहान करिब साढे ६ बजे दुर्घटना भएको प्रहरीले जनाएको छ । मोडमा रहेको उक्त पुलमा  तीब्र गतिमा रहेको ट्रकले ट्याक्टरलाई ठक्कर दिएर खोलामा खसेको प्रत्यक्षदर्शीले बताए । करिब १ महिना अघि सोही पुलबाट ट्रक खस्दा ३ जनाले ज्यान गुमाएका थिए ।उक्तपुलबाट हरेक वर्ष आधा दर्जन सवारीसाधन खस्ने गरेको प्रहरीको तथ्याङ्क छ ।

Source : Ekantipur

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com