गोर्खाल्यान्डमा निस्किएको खुकुरी जुलुसमा सुरक्षाकर्मीको हस्तक्षेप
प्रकाशित मिति : श्रावण १४, २०७४ शनिबार
–
श्रावण १४, २०७४- गोर्खाल्यान्डको मागसहित शनिबार बिहान निकालिएको खुकुरी जुलुसमा सुरक्षाकर्मीले हस्तक्षेप गर्दा दर्जन बढी आन्दोलनकारी गम्भीर घाइते भएका छन् । तीनधारे, गाडीधुरालगायतका क्षेत्रबाट आएको खुकुरी जुलुसलाई सुरक्षाकर्मीले दार्जिलिङको प्रवेशद्धार सुकुनामा हस्तक्षेप गरेको थियो ।
आन्दोलनकारीले व्यारिकेट तोडेर अघि बढ्ने क्रममा प्रहरीले गोली चलाएको थियो । सुरक्षाकर्मीको गोलीले अजय क्षेत्रीलगायत केही आन्दोलनकारी गम्भीर घाइते भएका छन् । क्षेत्रीको अवस्था चिन्ताजनक रहेको गोर्खा जनमुक्ति मोर्चाका उपाध्यक्ष विशाल क्षेत्रीले जनाएका छन् ।