फोनमा अश्लिल शब्द बोल्नेलाई सार्वजनिक मुद्धा
प्रकाशित मिति : श्रावण १२, २०७४ बिहीबार
श्रावण १२, २०७४- मोबाइलमा फोन गरेर अश्लिल शब्द बोल्ने २ जनालाई प्रहरीले सार्वजनिक मुद्धा चलाएको छ । धनकुटाको पाख्रिवास नगरपालिका-९ का ईश्वर बिष्ट र पाख्रिवास-५ का श्यामकुमार बिकले खाँदबारी नगरपालिका-६ की एक युवतीलाई मोबाइल गरी अश्लिल शब्द प्रयोग गरेका थिए । उनीहरुले अश्लिल शब्दका साथै गालीगलौज, धाकधम्की र दैनिक दर्जनौंपटक फोन गर्ने गरेका थिए ।
प्रहरीको टोलीले उनीहरुलाई पक्राउ गरेर सार्वजनिक अपराधको मुद्धा चलाएको डिएसपी सन्तोष खड्काले बताए । पीडितले ९८११०८३२९४ र ९८११३०९४९२ नम्बरको मोबाईलबाट असार २२ देखि फोन गरेर धम्की र अश्लिल शब्द प्रयोग गरेको उजुरी दर्ता गरेपछि उनीहरुलाई पक्राउ गरिएको हो ।