Follow @khasokhasmag

नयाँ मन्त्रीहरुको शपथ अपरान्ह ४ बजे


प्रकाशित मिति : श्रावण ११, २०७४ बुधबार

श्रावण ११, २०७४- नयाँ मन्त्रीहरुको शपथ कार्यक्रम अपरान्ह ४ बजे हुने भएको छ ।

राष्ट्रपति कार्यालय शीतल निवासमा ४ बजे हुने शपथ ग्रहण समारोहका लागि तयारी भइरहेको राष्ट्रपति कार्यालयका प्रवक्ता मोहनप्रसाद वाग्लेले जानकारी दिए । उनले मन्त्रिपरिषद् विस्तारको आधिकारिक चिठ्ठी भने प्राप्त भइनसकेको बताए । प्रधानमन्त्री शेरबहादुर देउवाले आज मन्त्रिपरिषद् विस्तार गर्ने भएपछि शपथको कार्यक्रम तय भएको हो । नयाँ मन्त्रीहरुलाई राष्ट्रपति विद्या भण्डारीले शपथ खुवाउनेछिन् ।

यसअघि बुधबार ५ बजे शपथ ग्रहणको राष्ट्रपति कार्यालय तयारी गरे पनि कांग्रेसले विवादका कारण मन्त्री टुंगो लगाउन नसकेपछि एकाएक रोकिएको थियो । कांग्रेसले आज पनि मन्त्रीहरुको अन्तिम नामवली सार्वजिनक गरिसकेको छैन ।

सत्ता साझेदार मा‌ओवादी केन्द्रले भने बिहान बसेको केन्द्रीय कार्यालयको बैठकमार्फत् ६ जना मन्त्री र ३ राज्यमन्त्रीको नाम टुंग्याइसकेको छ ।

कांग्रेस नेता विमलेन्द्र निधिले कांग्रेसबाट ९, माओवादी केन्द्रबाट ६, लोकतान्त्रिक फोरमबाट २ र नेकपा (संयुक्त) बाट १ गरी १८ नयाँ मन्त्रीको बुधबार शपथ हुने जानकारी दिए । यसअघि कांग्रेसबाट ३, माओवादी केन्द्रबाट ३ र लोकतान्त्रिक फोरमबाट अध्यक्ष विजय गच्छदार यसअघि नै मन्त्री बनिसकेका छन् ।

कांग्रेसले १३, माओवादी केन्द्रले ९, लोकतान्त्रिक फोरमले ३, नेकपा (संयुक्त) का लागि १ र राप्रपाका लागि ४ मन्त्रालय लिने गरी भागबन्डाको टुंगो भने यसअघि नै लागिसकेको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com