धितो दिने अमेरिकी कम्पनीका सीइओले जुम मिटिङमार्फत एकैपटक हटाए ९०० कर्मचारी,उनको निर्णय क्रुर र स्वचेछाचारी भएको धेरैको टिप्पणी
प्रकाशित मिति : मंसिर २१, २०७८ मंगलबार
धितो उपलब्ध गराउने एक अमेरिकी कम्पनी बेटर डटकमका सीइओ विशाल गर्गले जुम मिटिङबाटै ९०० कर्मचारी पदमुक्त गरेका छन् । यसरी एकैपटक, त्यो पनि जुम मिटिङबाट ९०० कर्मचारीलाई पदमुक्त गर्ने मालिक भारतीय मूलका एक अमेरिकी हुन । उनले गरेको यो निर्णयलाई धेरैले क्रुर र स्वचेछाचारी भनेका छन् ।
कर्मचारीको कार्यसम्पादन चित्तबुझ्दो नभएको र बजारमा देखिएको परिवर्तनका कारण आफू कठोर निर्णयमा पुगेको गर्गले बताएका छन् । कर्मचारीले दिनमा दुई घण्टा काम गरेर आठ घण्टाभन्दा बढी काम गरेको दाबी गरेपनि अनुत्पादक बनेको उनले बताएका छन् ।
उनले आफ्नो निर्णयबाट आफु पनि दुखी भएको बताएका छन् ।
‘पछिल्लो समय मैले यस्तो गर्दा म रोएको थिएँ,’ जुम मिटिङमा गर्गले भनेका छन् । गर्गले कर्मचारी बरखास्त गरेको फर्चुन म्यागेजिनले पुष्टि गरेको छ । यसअघि बेटर डटकमले ७५ करोड अमेरिकी डलर मुनाफा गरेको विवरण सार्वजनिक भएको थियो । एजेन्सी