विश्वमै धेरै हतियार अमेरिकनसँग, मान्छेको भन्दा हतियारको संख्या धेरै
प्रकाशित मिति : मंसिर १०, २०७८ शुक्रबार
अमेरिकामा बन्दुक हिंशाले कैयन स्थानहरु असुरक्षित स्थानका रुपमा कुख्यात बनेका छन् । अझै पनि अमेरिकनहरु संविधानले व्यवस्था गरेको अधिकार अनुरुप नै बन्दुक राख्छन् । तर दोश्रो संसोधनका आलोचकहरु बन्दुक राख्ने अधिकारले जीवन जिउने अधिकारलाई सकंटमा पारेको बताउदै आएका छन् ।
अमेरिकामा औषतमा हरेक एकसयजनासँग १२० वटा हतियार रहेका छन् । अर्थात् मान्छेको भन्दा धेरै संख्या हतियारको रहेको छ । विश्वका कुनै पनि देशमा मान्छेको संख्याभन्दा नागरिक बन्दुकको संख्या धेरै छैन । अमेरिकापछि फकल्याण्डको टापुमा सर्वसाधारणसँग हुने बन्दुकको संख्या धेरै रहेको छ । त्यहाँ हरेक एकसयजनासँग ६२ वटा बन्दुक रहेका छन् ।
यमन विश्वमा सर्वसाधारणसँग औषतमा धेरै हतियार हुने तेश्रो मुलुक हो । यो देशमा पनि हरेक १ सय जनामा ५३ वटा बन्दुक रहेका छन् । विश्वमा सर्वसाधारणसँग ८५७ मिलियन बन्दुक रहेकोमा अमेरिकनसँगमात्र ३९३ मिलियन बन्दुक रहेका छन् । अर्थात् विश्वमा रहेका कुल नागरिक बन्दुकको संख्याको ४६ प्रतिशत अमेरिकनसँग रहेको छ ।
सन् २०२० को ग्यालप सर्वे अनुशार ४४ प्रतिशत बयस्कहरु अमेरिकामा बन्दुक भएको घरमा बस्छन् । र अमेरिकामा कम्तीमा एकतिहाई बयस्कहरुसँग आफ्नै बन्दुक रहेको छ । सन् २०१८ मा बन्दुक उत्पादकहरुले ९ मिलियन हतियारहरु बनाएका थिए । सन् २००८ मा उत्पादित बन्दुकको तुलनामा यो संख्या दोब्बर रहेको सरकारी तथ्यांक रहेको छ ।
अमेरिकामा हतियार किन्नका लागि संघीय पृष्ठभूमि परीक्षण आवश्यक हुन्छ । सन् २०२१ को जनवरीमा यस्तो पृष्ठभूमि परीक्षण बार्षिक दर सन् २०१३ यताकै उच्च बिन्दुमा पुगेको थियो । जनवरी २०२० का तुलनामा जनवरी २०२१ मा पृष्ठभूमि परिक्षण दर ६० प्रतिशत बढेको थियो ।
मार्च २०२१ मा एफबीआईले ४७ लाख बन्दुक किन्न चाहनेहरुको पृष्ठभूमि परीक्षण गरेको थियो । जुन एफबीआईएले रेकर्ड राख्न थालेको २० बर्षको इतिहासमा नै सबैभन्दा धेरै पृष्ठभूमि परीक्षण गरिएको महिना हो । मार्चमा पृष्ठभूमि परीक्षण गरिएकाहरुमध्ये २० लाख व्यक्ति नयाँ बन्दुक किन्न चाहनेहरु रहेका थिए ।
यसबारे विस्तृत रिपोर्ट सीएनएनमा पढ्न सक्नुहुनेछ ।