अमेरिकाको विसकन्सिनको क्रिसमस परेडमा गाडी जोत्दा ५ को मृत्यु, ४० भन्दा बढी घाइते
प्रकाशित मिति : मंसिर ६, २०७८ सोमबार
अमेरिकाको विसकन्सिन वाकेसामा क्रिममस परेडमा गाडी जोत्दा कम्तीमा ५ जनाको मृत्यु भएको छ भने ४० जनाभन्दा धेरै घाइते भएका छन् । कैयन घाइतेहरु अस्पतालहरुमा आफै लगिएकाले घाइतेहरुबारे थप विवरण आउन बाँकी रहेको छ ।
रातो एसयुभी गाडी सडकमा रहेका बारहरु तोड्दै परेड आयोजना गरिएको मुख्य स्थलमा पुग्दा कैयनलाई ठक्कर दिएको थियो । मान्छेहरु गाडीको ठक्करबाट सडकभरी लडेका थिए । घटना स्थानीय समय अनुशार दिउसो ४ बजेर ३९ मिनेटमा भएको जनाइएको छ ।
घटनाका मृतक र घाइतेहरुको पहिचानका लागि काउन्टीको मेडिकल एक्जामाइनरको कार्यालयसँग समन्वय भइरहेको प्रहरीले जनाएको छ । घटनामा संलग्न भएको आशंकामा एकजनालाई हिराशतमा लिइएको छ । गाडीको चालकलाई हिराशतमा लिइएको छ वा छैन भन्नेबारे केही बताइएको छैन । घटनाबारे थप अनुसन्धान भइरहेको प्रहरीले आइतबार राती पत्रकारहरुलाई बताएको छ ।
At this time, we can confirm that 5 people are deceased and over 40 are injured. However, these numbers may change as we collect additional information. Many people have self-transported to area hospitals. The Police Department has the person of interest in custody.
— cityofwaukesha (@CityofWaukesha) November 22, 2021
घाइतेहरुमा बालबालिकाहरु समेत रहेका छन् । मान्छेको भींडमा गाडी जोत्ने चालकलाई रोक्न प्रहरीले केही राउण्ड गोली समेत चलाएको थियो । प्रहरीको गोली लागेर कोही पनि घाइते भएका छैनन् । भींडमा जोतिएको गाडीबाट पनि गोली भने चलाइएको थिएन । आइतबारको घटना आतंकवादसँग सम्बन्धित भए नभएकोबारे अझै केही स्पष्ट भएको छैन ।
The scene is still fluid, and the investigation is ongoing. The community mourns the loss of our community members and those injured. We are asking for the community to come together during this time and to keep the families in your prayers.
— cityofwaukesha (@CityofWaukesha) November 22, 2021
अउरोसा मेडिकल सेन्टरमा मात्र आइतबार राती १३ जनाको उपचार भइरहेको छ । जसमध्ये ३ जनाको अवस्था चिन्ताजनक रहेको छ भने ४ जनाको गम्भिर रहेको छ । ६ जनाको अवस्था सामान्य रहेको छ । मिलाउकीको बाल अस्पतालमा १५ जना बालबालिकाहरुको उपचार भइरहेको छ ।