अमेरिकाको एटलान्टा एयरपोर्टको सुरक्षा जाँचनेर हतियार पड्कदा भागदौड, उडान अवरुद्ध
प्रकाशित मिति : मंसिर ४, २०७८ शनिबार
विश्वकै व्यस्त मध्येको एक अमेरिकाको एटलान्टामा रहेको अन्तर्राष्ट्रिय विमानस्थलमा दुर्घटनावश हतियार पड्कदा विमानस्थल तनावग्रस्त भएको छ । शनिबार दिउसो हार्टसफिल्ड ज्याक्सन एटलान्टा अन्तर्राष्ट्रिय विमानस्थलको मुख्य सुरक्षा जाँच नजिकै हतियार पड्केको थियो ।
सुरक्षा जाँच गराइरहेका यात्रुको हतियार पड्केको जनाइएको छ । ती यात्रुले सुरक्षा जाँच गराइरहदा कसैले उनको झोलामा हतियार रहेको बताएपछि हतियार बाहिर निकाल्न खोज्दा दुर्घटनावश पड्केको र त्यसपछि आएको आवाजले विमानस्थल तनावग्रस्त भएको थियो ।
विमानस्थलमा भएको भागदौडका कारण केहीबेर उडानहरु स्थगित गरिएको थियो । स्थानीय समय अनुशार दिउसो साढे १ बजे उक्त घटना भएको हो । कर्मचारी र यात्रुका लागि कुनै खतरा नभएको र घटनाबारे छानविन भइरहेको विमानस्थलका अधिकारीले बताएका छन् । घटनाका कारण कोही घाइते भएका छैनन् ।
An unintentional gun discharge in the Atlanta airport caused mass panic today among passengers who thought there was an active shooter.
In 2014, Georgia lawmakers passed a NRA-supported “guns everywhere” law allowing loaded guns inside airports. #gapol pic.twitter.com/fmUnV4GA3f
— Shannon Watts (@shannonrwatts) November 20, 2021
थ्यांक्सगिभिङको बेलामा भएको उक्त घटनाले विमानस्थलमा भएका यात्रुहरु कुनै गोलीकाण्डको त्रासले आत्तिएका थिए । शुक्रबारमात्र टीएसएले २२ लाखभन्दा धेरै यात्रुको सुरक्षा जाँच गरेको थियो । जुन महामारी सुरु भएयता उक्त विमानस्थलमा गरिएको सबैभन्दा धेरै सुरक्षा जाँच हो । सप्ताहन्त भएकाले शनिबार पनि ठूलो संख्यामा यात्रुहरुले उक्त विमानस्थलबाट यात्रा गरिरहेका थिए ।
Current view from inside T terminal in Atlanta Airport after “accidental discharge” pic.twitter.com/1uONeCzJi9
— E Zeidler (@EmZeidler) November 20, 2021
मान्छेहरु हलवेतिर दौडेको देख्दा सुरुमा विमान छुट्ने डरले उनीहरु दौडेको जस्तो लागेको तर धेरैभन्दा धेरै मान्छे दौडेको देखेपछि आफूपनि आत्तिएको एक प्रत्यक्षदर्शीले बताए । मान्छेहरु चिच्याउदै दौडेको र कसैलाई सोध्दा गोली चलेको भन्दै भाग्न भनेपछि आफूपनि भागेको ती प्रत्यक्षदर्शीले बताए ।
विमानस्थलका कर्मचारीहरुले सबैलाई शान्त राख्न प्रयास गरेका थिए । आत्तिएका यात्रुहरु भित्तामा आड लागेर बसेका थिए ।
