आज ५८० बर्षपछिको दुर्लभ चन्द्रग्रहण, कहाँबाट कतिबजे हेर्ने ?
प्रकाशित मिति : मंसिर २, २०७८ बिहीबार
अमेरिकी समय अनुशार बिहिबार राती अर्थात् शुक्रबार विहान ५८० बर्षपछिको दुर्लभ चन्द्रग्रहण हेर्न सकिने भएको छ । यसप्रकारको लामो खण्डग्राश चन्द्रग्रहण ५८० बर्षमा देखिने खगोलविदहरुले जनाएका छन् ।
खण्डग्राश चन्द्रग्रहण भएपनि चन्द्रमाको अधिकांश भागमा ग्रहण लाग्ने जनाइएको छ । पृथ्वीको छायाका कारण चन्द्रमाको ९७ प्रतिशत भाग रातो रंगमा बदलिने लस एन्जलसको ग्रिफित अवलोकनले जनाएको छ । नासाले त चन्द्रमाको ९९ दशमलव १ प्रतिशत भाग ग्रहणले छोपिने बताएको छ ।
कहाँबाट कुन समयमा हेर्ने सम्पूर्ण सुचीका लागि यहाँ क्लीक गर्नुहोला ।
ग्रहण उच्च बिन्दुमा पुग्दा चन्द्रमाको सानोभागमात्र चम्केको देखिनेछ । आजको चन्द्रग्रहण यो बर्षको पहिलो भने होइन, गत मेमा पनि चन्द्रग्रहण लागेको थियो । तर आजको भने विशेष हुनेछ ।
चन्द्रग्रहण ६ घण्टाभन्दा लामो समयको हुनेछ । चन्द्रमा ३ घण्टा २८ मिनेटसम्म ठूलो देखिनेछ । सन् १४४१ यताकै सबैभन्दा लामो खण्डग्राश चन्द्रग्रहण न्युयोर्क समय अनुशार शुक्रबार विहान १ बजेर २ मिनेटमा सुरु हुनेछ भने ४ बजेर २ मिनेटमा उच्च बिन्दुमा पुग्नेछ ।
जब चन्द्रमा र सूर्यकोबीचबाट पृथ्वी गुज्रेर जान्छ, तब पृथ्वीको छाया चन्द्रमामा पर्दा। चन्द्रग्रहण लाग्छ । जसरी खग्राश सूर्यग्रहणमा पूरै सूर्य छोपिएर अन्धकारजस्तो अवस्था आउँछ, चन्द्रग्रहणमा भने त्यस्तो अवस्था आउँदैन । त्यसको साटो चन्द्रमामा फरक प्रकारको रातो चमक देखिन्छ ।
रातो रंगका कारण यसलाई ब्लड मुन समेत भनिन्छ । आजरातीको चन्द्रग्रहण उत्तर अमेरिकाबाट हेर्न सकिनेछ । दक्षिण अमेरिका, हवाई र रसियाको केहीभागबाट समेत यो चन्द्रग्रहण हेर्नसकिनेछ । अष्ट्रेलिया, न्यूजिल्याण्ड, जापान, चीन र दक्षिणपूर्वी एसियाका देशबाट पनि १९ नोभेम्बर शु क्रबार बेलुका यो चन्द्रग्रहण हेर्न सकिनेछ ।
यो चन्द्रग्रहण नांगो आँखाले पनि हेर्न सकिनेछ । नजिकबाट हेर्नका लागि बाइनाकुलर वा टेलिस्कोपको समेत प्रयो गर्न सकिनेछ । खराब मौषमका कारण आकाशमा हेर्न नसक्नेहरुले अनलाइनमा लाइभ समेत हेर्न सक्नेछन् ।
अनलाइनमा लाइभ हेर्न तलको भिडियोमा क्लीक गर्नुहोला ।