अमेरिकामा कोरोना प्रभावित व्यवसायलाई प्रदान गरिने रकम अझै बाँकी, म्याद डिसेम्बर ३१ सम्म
प्रकाशित मिति : मंसिर १, २०७८ बुधबार
अमेरिकामा कोरोना महामारीबाट प्रभावित व्यवसायलाई प्रदान गरिदै आएको कोरोना सम्बन्धित ऋण कार्यक्रम डिसेम्बर ३१ मा सकिने भएको छ । अहिलेसम्म पनि एसबीएबाट प्रदान गरिने इकोनोमिक इन्जुरी डिसास्टर लोनका लागि आवेदन नदिएका आवेदकहरुले डिसेम्बर ३१ सम्म आवेदन दिनसक्ने एसबीएले जनाएको छ ।
व्यवसायलाई प्रदान गरिने इकोनोमिक इन्जुरी डिसास्टर लोन र फिर्ता गर्न नपर्ने १० हजार डलसम्मको टार्गेटेड इकोनोमिक इन्जुरी डिसास्टर लोन एड्भान्स दुबै कार्यक्रम सन् २०२१ को अन्तिममा सकिदैछन् । डिसेम्बर ३१ सम्म इकोनोमिक इन्जुरी डिसास्टर लोनका लागि साना व्यवसाय संचालकहरुले दिएका आवेदन त्यसपछि पनि एसीबीएले प्रकृयामा लैजाने भएको छ ।
एसीबीएका अधिकारी इशाबेल गुजमानले नोभेम्बर १६ को सुनुवाईमा एसबीएसमक्ष वितरण हुन बाँकी रकम अझैपनि प्रयाप्त रहेको बताएका छन् । तर सुरुमा १० हजार डलर तिर्न नपर्ने सहायताका लागि योग्य भएका र पछि थप ५ हजार डलर सहायता पाउनसक्ने व्यवसायहरुका लागि भने आवेदन दिने म्याद अझ कम रहेको छ । उनीहरुले तत्काल आवेदन दिएको खण्डमा सन् २०२१ को अन्तिमसम्म ५ हजार डलरको सहायता वितरण गरिने भएको छ ।
सन् २०२० मा कोरोना महामारी आइसकेपछि अमेरिकी सरकारले कोरोना प्रभावित साना व्यवसायहरुका लागि विभिन्न कार्यक्रहरु ल्याएको छ । ट्रम्प प्रशासनका पालामा ल्याइएको उक्त कार्यक्रममा बाइडेन प्रशासनका पालामा थप सुविधाहरु बढाइएको थियो । सुरुमा ऋण प्राप्त गरेका साना व्यवसायहरुलाई रकम बढाउने अवशर समेत प्रदान गरिएको थियो ।