न्युयोर्कको पार्कमा दिउसो साढे २ बजे १३ बर्षकी बालिका बलात्कृत
प्रकाशित मिति : कार्तिक २५, २०७८ बिहीबार
न्युयोर्कको ब्रोंक्स पार्कमा दिउसो साढे २ बजे १३ बर्षकी बालिका बलात्कृत भएको प्रहरीले जनाएको छ । बुधबार दिउसो विद्यालयबाट फर्कदै गरेकी बालिका बलात्कृत भएको प्रहरीले जनाएको हो । घटना क्रोटोना पार्क भित्र भएको हो ।
अपराधीले बालिकालाई भूईमा लडाएर उनको कपडा च्यातेको प्रहरीको भनाई छ । बलात्कारपछि उक्त व्यक्तिले बालिकाको मोबाइल फोन लिएर भागेको थियो । पीडित बालिकालाई घटनास्थल पुगेको मेडिक्स टिमले अस्पताल लगेको थियो ।
प्रहरीले घटनामा संलग्न भएको अभियोगका एकजना व्यक्तिको तस्वीर र भिडियो सार्वजनिक गरेको छ । घटनामा संलग्न व्यक्ति अहिलेसम्म पनि फरार रहेको भन्दै प्रहरीले उक्त व्यक्तिबारे जानकारी पाएमा खबर गर्न सर्वसाधारणलाई आग्रह गरेको छ ।