भेगसमा उड्न लागेको विमानको पखेंटामा चढ्ने व्यक्ति पक्राउ
प्रकाशित मिति : मंसिर २८, २०७७ आईतबार
अमेरिकाको लस भेगसमा उड्न लागेको विमानको पखेंटामा चढ्ने व्यक्तिलाई पक्राउ गरेर हिराशतमा राखिएको छ । अलास्का एयरलाइन्सको विमानको पखेंटामा चढेका व्यक्तिलाई पक्राउ गर्न टोली पुग्दा ती व्यक्ति भूईमा खसेका थिए ।
त्यसपछि तलपट्टी रहेको टोलीलाई उनलाई पक्राउ गरेको थियो । १३६७ नम्बरको उक्त उडान लस भेगसबाट पोर्टल्याण्डतर्फ आउँदै गरेको थियो ।
म्याकरन एन्टरनेशनल एयरपोर्टबाट उडानका लागि उक्त विमान स्टार्ट भइसकेको थियो । त्यती नै बेला पाइलटले एकजना व्यक्ति पखेंटामा चढ्दै गरेको देखेका थिए । लस भेगस मेट्रो प्रहरीले उनलाई हिराशतमा लिएको छ ।
एकजना यात्रुले खिचेको भिडियो उक्त व्यक्ति विमानको पँखेटा बसेको र हिडेको देख्न सकिन्छ । त्यसपछि उक्त व्यक्तिले जुत्ता फुकालेर पँखेटाको माथिको भागमा चढ्न खोजेको देखिएको छ ।
प्रहरी अधिकारीहरु त्यहाँ पुगेपछि ती व्यक्ति भूईमा पछारिएका थिए । उनलाई पक्राउ गरेपछि विमान पूर्ण जाँचका लागि गेटमा फर्किएको थियो । विमान उडानमा ४ घण्टा ढिलाई भएको थियो ।
