बाइडेनले चाहेमा आफू लेबर सेक्रेटरीको काम लिन तयार रहेको बर्नी स्याण्डर्सको भनाई
प्रकाशित मिति : कार्तिक २७, २०७७ बिहीबार
भर्मोन्टका सिनेटर तथा अमेरिकाका चर्चित प्रगतिशिल राजनीतिज्ञ बर्नी स्याण्डर्सले आफू बाइडेन प्रशासनमा लेबर सेक्रेटरीको काम लिन तयार रहेको बताएका छन् । जो बाइडेनले आफूलाई उक्त पद लिन सोधेको खण्डमा आफू लिन तयार उनको भनाई रहेको छ ।
बाइडेनको मन्त्रिपरिषदमा आफू जान तयार रहेको बताउँदै स्याण्डर्सले कामगर्ने परिवारका पक्षमा उभिने र उनीहरुका लागि लड्ने कुनै पद पाएमा आफूले स्वीकार्ने बताएका हुन् । अमेरिकी राष्ट्रपतिमा उम्मेदबारी दिएका स्याण्डर्स २०१६ मा हिलारीसँग प्राइमरीमा पराजित भएका थिए भने यसपटक जो बाइडेनका लागि छाडेका थिए ।
के उनले लेबर सेक्रेटरीको पदमा आँखा लगाइरहेका हुन् ? भन्ने प्रश्नमा स्याण्डर्सले भने – ‘काम गर्ने परिवारको संरक्षणका लागि म जे गर्न पनि तयार छु । चाहे सिनेटमा होस्, चाहे बाइडेन प्रशासनमा होस्, म त्यस्तो जिम्मेबारी लिन तयार छु । हेरौं, त्यो कसरी अगाडि बढ्छ ।’
बाइडेनले लेबर सेक्रेटरी पदकै लागि अभियान सुरु गरेको समाचारहरु यस अगाडि पनि आएका थिए । स्याण्डर्सले युनियनका प्रमुखहरुलाई व्यक्तिगत रुपमा नै फोन सम्पर्क गरेर लेबर सेक्रेटरी पदका लागि पक्षमा उभिन आग्रह गरेको जनाइएको छ ।
यति बेलाको अन्तरिम अवस्थामा नवनिर्वाचित जो बाइडेनले आफ्ना मन्त्रिपरिषदका सदस्यहरु छनौट गर्ने र अन्य मुख्य पदका लागि कैयन व्यक्तिको विचार गरिरहेका छन् । बाइडेनले ह्वाइटहाउसको मुख्य पद चिफ अफ स्टाफमा लामोसमय देखिका बाइडेनका सहयोगी रोनाल्ड क्लेनलाई नियुक्त गर्ने भएका छन् ।