२ सातापछि ७८ बर्षमा प्रवेश गर्दै बाइडेन, को कति बर्षमा राष्ट्रपति भए ?


प्रकाशित मिति : कार्तिक २२, २०७७ शनिबार

नवनिर्वाचित राष्ट्रपति जो बाइडेन अबको दुईसातापछि ७८ बर्षमा प्रवेश गर्दैछन् । अमेरिकी इतिहासमा बाइडेन सबैभन्दा बढी उमेरमा राष्ट्रपति हुँदैछन् । उनी पहिलो कार्यकाल पूरा गर्दा ८२ बर्षका हुनेछन् ।

वर्तमान राष्ट्रपति डोनाल्ड ट्रम्प ७० बर्षको उमेरमा अमेरिकी राष्ट्रपति भए भने त्यसअगाडि बराक ओबामा ४७ बर्षको उमेरमा राष्ट्रपति भए ।

जर्ज डब्लु बुस ५४ बर्षको उमेरमा अमेरिकी राष्ट्रपति भएका थिए । बिल क्लिन्टन ४६ बर्षको उमेरमा राष्ट्रपति भए । जर्ज बुस सिनियर ६४ बर्षको उमेरमा राष्ट्रपति भएका थिए ।

रोनाल्ड रेगन ६९ बर्षको उमेरमा र जिम्मी कार्टर ५२ बर्षको उमेरमा राष्ट्रपति भएका थिए । कार्टर अहिले ९६ बर्षका भए भने उनी सबैभन्दा धेरै उमेर बाँच्ने अमेरिकी राष्ट्रपति हुन् ।

जिम्मी कार्टर

जेराल्ड फोर्ड ६१ बर्षको उमेरमा र रिचर्ड निक्सन ५६ बर्षको उमेरमा अमेरिकी राष्ट्रपति भएका थिए । लेन्डन जोन्सन ५५ बर्षको उमेरमा र जोन अफ केनेडी ४३ बर्षको उमेरमा अमेरिकी राष्ट्रपति भएका थिए । केनेडी भन्दा अगाडि ५० बर्षको उमेरभन्दा पहिले राष्ट्रपति हुने थियोडोर रुजभेल्ट थिए । उनी ४२ बर्षको उमेरमा अमेरिकाको राष्ट्रपति भएका थिए ।

त्यो अगाडि १८३७ मा ग्रोभर क्लीभल्याण्ड ४७ बर्षमा अमेरिकाको राष्ट्रपति भएका थिए । त्यो भन्दा अगाडि ४ जना अमेरिकी राष्ट्रपतिहरुले ५० बर्षभन्दा कम उमेरमा नै पदभार ग्रहण गरेका थिए ।

जर्ज वासिंटन ५७ बर्षको उमेरमा राष्ट्रपति भएका थिए भने थोमस जेफर्सन र जेम्स मेडिसन पनि ५७ बर्षकै उमेरमा राष्ट्रपति भएका थिए । अब्राहम लिंकन ५२ बर्षको उमेरमा अमेरिकी राष्ट्रपति भएका थिए ।

४६ राष्ट्रपतिहरुमध्ये ५० बर्षभन्दा कम उमेरमा अमेरिकी राष्ट्रपति हुनेहरु ८ जनामात्र रहेका छन् । ६० कटेर हुनेहरु १२ जना रहेका छन् भने ७० कटेपछि राष्ट्रपति हुनेहरु ट्रम्प र बाइडेनमात्र हुन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com