चुनावी सभामा ट्रम्पले मास्क फयाक्दै भने – ‘सबैलाई चुम्बन गर्न चाहन्छु’


प्रकाशित मिति : आश्विन २६, २०७७ सोमबार

कोरोना संक्रमणपछि तीनदिन अस्पतालमा र केहीदिन ह्वाइटहाउसको क्वारेन्टीनमा बसेपछि कोरोना मुक्त भएका ट्रम्पले आज चुनावी कार्यक्रमलाई सम्बोधन गरे । फ्लोरिडामा आयोजित कार्यक्रममा बोल्दै उनलाई सबैलाई चुम्बन गर्न चाहेको बताए ।

फ्लोरिडामा बोल्दै उनले भने – ‘मैले यो भोगें । अहिले उनीहरुले भन्छन् कि म इम्युन भएको छु । मैले एकदमै शक्तिशाली अनुभव गरिरहेको छु । म हिडेर आउनेछु र सबै दर्शकहरुलाई चुम्नेछु ।’

ट्रम्पले भने – ‘मैले सबै पुरुष र सुन्दर महिलाहरुलाई चुम्बन गर्नेछु । केबल एउटा ठूलो चुम्बन दिन्छु ।’

ट्रम्पले फ्लोरिडाको कार्यक्रममा उपस्थीत हुनासाथ भींडमा मास्क फ्याकेका थिए । त्यसपछि उनले भने – ‘तपाईहरु यसबाट बाहिर निस्कनैपर्छ । यो जोखिमपूर्ण छ । तर बाहिर निस्कनैपर्छ ।’

उनका केही समर्थकहरुले भने मास्क लगाएका थिए । तर कैयन समर्थकहरु विना मास्क नै उपस्थीत थिए ।

ट्रम्पको यो सभा उनलाई कोरोना संक्रमण भएको पुष्टी भएको १२ दिनपछि गरिएको छ । तर सोमबार नै ट्रम्पको कोरोना रिपोर्ट नेगेटिभ आइसकेको ह्वाइटहाउसले जनाएको छ ।

ट्रम्पले यो साता झण्डै हरेक दिननै चुनावी कार्यक्रम गर्ने भएका छन् । अमेरिकाको राष्ट्रपति चुनाव आउन अब झण्डै तीनसातामात्र बाँकी रहेको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com