ह्वाइटहाउसको बाल्कोनीबाट ट्रम्पको सम्बोधनः ‘भ्याक्सिन एकदम छिट्टै आउँछ’
प्रकाशित मिति : आश्विन २४, २०७७ शनिबार
अमेरिकी राष्ट्रपति डोनाल्ड ट्रम्पले आज ह्वाइटहाउसको बाल्कोनीबाट आफ्ना केही सय समर्थकहरुलाई सम्बोधन गरेका छन् । उनले आफूलाई कोरोना संक्रमणपछि सार्वजनिक कार्यक्रममा व्यक्तिगत रुपमै उपस्थीत भएर सम्बोधन गरेको यो नै पहिलो पटक हो ।
अमेरिका अमेरिका भन्दै चिच्याइरहेका भींडलाई सम्बोधन गर्दै ट्रम्पले कोरोनाबिरुद्धको भ्याक्सिन एकदम छिटो आउने आश्वासन दिएका छन् । उनले शक्तिशाली औषधी र उपचारको उत्पादन भइरहेको बताए ।
अहिलेसम्म अमेरिकामा कोरोना संक्रमणबाट २ लाख १३ हजारभन्दा धेरैको ज्यान गइसकेको छ । साढे ७ मिलियन भन्दा धेरैमा संक्रमण पुष्टी भइसकेको छ ।
अक्टोबर १ पछि राष्ट्रपति ट्रम्पमा कोरोना नेगेटिभ देखिएको कुनै रिपोर्ट सार्वजनिक भएको छैन । शनिबार राष्ट्रपतिको दाहिने हातमा छालाकै रंगको पट्टी समेत देखिएको थियो ।
सम्बोधनका क्रममा ह्वाइटहाउसमा जम्मा भएकाहरुले सामाजिक दुरी कायम गरेका थिएनन् । केहीले ट्रम्प २०२० र मेक अमेरिका ग्रेट अगेन लेखेका मास्कहरु लगाएका थिए । केहीले मास्क समेत लगाएका थिएनन् ।