अस्पतालबाट फर्केपछि ट्रम्पको व्यवहार अस्वभाविक र अनियमित, कुरा बदल्दै ट्वीटको बर्षा
प्रकाशित मिति : आश्विन २१, २०७७ बुधबार
कोरोना संक्रमणपछि तीनदिन अस्पताल बसेर ह्वाइट हाउस फर्र्किएका अमेरिकी राष्ट्रपति डोनाल्ड ट्रम्पको व्यवहार अस्वभाविक र अनियमित देखिएको छ । ह्वाइटहाउसको क्वारेन्टीनमा रहेका ट्रम्पले दर्जनौं ट्वीटको बर्षा गरिरहेका छन् भने छिनछिनमा कुराहरु फेरिरहेका छन् ।
ह्वाइटहाउस फर्केपछि ट्रम्पले न्युयोर्कका पोष्टका स्तम्भकारको इमेल ठेगानासहितको ट्वीट गरेका थिए । त्यसपछि ट्वीटरले नीतिको उल्लंघन भएको भन्दै केहीबेर ट्रम्पको ट्वीटर एकाउन्ट लक गरिदिएको थियो । पछि ट्वीटरले उक्त ट्वीट हटाइदिएको थियो । कोरोनाबारे भ्रम फैलाउने खालको ट्रम्पको अर्को एउटा ट्वीटमा नीतिको उल्लंघन भएको भन्दै ट्वीटरले फ्लाग गरेको छ ।
…request, and looking to the future of our Country. I have instructed my representatives to stop negotiating until after the election when, immediately after I win, we will pass a major Stimulus Bill that focuses on hardworking Americans and Small Business. I have asked…
— Donald J. Trump (@realDonaldTrump) October 6, 2020
मंगलबार राहत प्याकेजबारेको वार्ता चुनावसम्म अगाडि नबढाउन ह्वाइटहाउसका वार्ताकारहरुलाई निर्देशन दिइएको भन्दै ट्रम्पले ट्वीट गरेका थिए । न्यान्सी पेलोसीले अनावश्यक माग गरेको भन्दै ट्रम्पले ट्रेजरी सेक्रेटरी स्टेभन मन्चिनलाई राहत प्याकेजबारेको वार्ता स्थगित गर्न निर्देशन दिदै आफूले चुनाव जितेपछि राहत प्याकेज पारित गर्ने बताएका थिए ।
If I am sent a Stand Alone Bill for Stimulus Checks ($1,200), they will go out to our great people IMMEDIATELY. I am ready to sign right now. Are you listening Nancy? @MarkMeadows @senatemajldr @kevinomccarthy @SpeakerPelosi @SenSchumer
— Donald J. Trump (@realDonaldTrump) October 7, 2020
तर त्यसको केही घण्टापछि मंगलबार राती अर्को ट्वीट गर्दै ट्रम्पले राहत प्याकेज तत्काल पारित गर्न संसदलाई आव्हान गर्दै ट्वीट गरेका छन् । ७ घण्टामा नै ट्रम्पले पहिले आफैले भनेको कुरा उल्टाउँदै राहत प्याकेज तत्कालै पारित गर्नुपर्ने बताएका हुन् । राती १० बजेपछि ट्वीट गर्दै उनले १२ सय डलरको दोश्रो चरणको राहत चेक सहितको प्याकेज तत्काल पारित गर्न संसदलाई आव्हान गरेका थिए । आफू अहिले नै त्यसमा हस्ताक्षर गर्न तयार रहेको उनले बताएका छन् ।
The House & Senate should IMMEDIATELY Approve 25 Billion Dollars for Airline Payroll Support, & 135 Billion Dollars for Paycheck Protection Program for Small Business. Both of these will be fully paid for with unused funds from the Cares Act. Have this money. I will sign now!
— Donald J. Trump (@realDonaldTrump) October 7, 2020
सोमबार अस्पतालबाट फर्केपछि ट्रम्प सार्वजनिक रुपमा देखा परेका छैनन् । अस्पतालमा उनलाई विभिन्न प्रकारका औषधीहरु दिइएको थियो, जसमा केही औषधीहरु परीक्षणका क्रममा रहेका औषधीहरु समेत थिए ।
मंगलबार लगातार ट्वीटको बर्षा गरिरहेका ट्रम्पले आजविहानमात्र तीनघण्टाभित्र ५५ वटाभन्दा धेरै ट्वीट र रिट्वीट गरेका छन् । अधिकांश ट्वीटहरु निकै आक्रमक रहेका छन् ।