अमेरिकी राष्ट्रपति डोनाल्ड ट्रम्प र प्रथम महिला मेलानियालाई कोरोना संक्रमण
प्रकाशित मिति : आश्विन १६, २०७७ शुक्रबार
अमेरिकी राष्ट्रपति डोनाल्ड ट्रम्प र प्रथम महिला मेलानियालाई कोरोना संक्रमण पुष्टी भएको छ । शुक्रबार राती १ बज्नुभन्दा केही अगाडि राष्ट्रपति ट्रम्पले यसको पुष्टी गरेका हुन् । उनले आफू र मेलानिया ट्रम्पलाई कोरोना संक्रमण पुष्टी भएको ट्वीटरमार्फत जानकारी दिएका छन् ।
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
ह्वाइट हाउसका बरिष्ठ सल्लाहकार होप हिक्समा कोरोना संक्रमण पुष्टी भएपछि अमेरिकी राष्ट्रपति डोनाल्ड ट्रम्प र प्रथम महिला मेलानिया ट्रम्पको पनि कोरोना परीक्षण गरिएको थियो । सल्लाहकार होप हिक्ससँग राष्ट्रपति ट्रम्प दम्पत्तिले उल्लेख्य समय विताएका थिए ।
As too many Americans have done this year, @potus & I are quarantining at home after testing positive for COVID-19. We are feeling good & I have postponed all upcoming engagements. Please be sure you are staying safe & we will all get through this together.
— Melania Trump (@FLOTUS) October 2, 2020
पत्रकारहरुलाई राती १ बजे जारी एउटा मेमोमा ट्रम्प दम्पत्तिलाई कोरोना संक्रमण पुष्टी भएको राष्ट्रपतिका चिकित्सक नेभी कमाण्डर डाक्टर सिन कोन्लेले बताएका छन् ।
आफ्नो स्वास्थ्यलाभको दौरान उनीहरु ह्वाइटहाउभित्रै क्वारेन्टीनमा रहने जनाइएको छ ।