सर्वोच्चका न्यायाधिसको पदावधि १८ बर्षमा सिमित गर्ने बिल ल्याउँदै हाउसमा डेमोक्र्याट्स
प्रकाशित मिति : आश्विन ९, २०७७ शुक्रबार
अमेरिकाको तल्लो सदन प्रतिनिधिसभाका डेमोक्रेटिक सांसदहरुले सर्वोच्चका न्यायाधिसको पदावधि बढीमा १८ बर्षसम्म हुनेगरी विधेयक ल्याउने तयारी गरेका छन् । आगामी साता सदनमा ल्याइने उक्त विधेयकमा ४ बर्षको कार्यकालमा राष्ट्रपतिले बढीमा २ जनामात्र न्यायाधिस नोमिनेट गर्न पाउने व्यवस्था गरिएको छ ।
अहिले भने अमेरिकाको सर्वोच्च अदालतमा न्यायाधिसहरु जीवनभर रहन सक्ने प्रावधान रहेको छ । न्यायालयलाई राजनीतिकरण हुनबाट रोक्न र विश्वसनियता कायम राख्न यस्तो खालको प्रावधानसहितको विधेयक ल्याउन लागेको डेमोक्रेटिक सांसदहरुले बताएका छन् ।
सर्वोच्चकी न्यायाधिस रुथ बेडर गिन्सबर्गको निधनपछि राष्ट्रपति डोनालड ट्रम्पले न्यायाधिसको नाम सिफारिस गर्ने तयारी गरिरहँदा सांसदहरुले यस्तो बिल ल्याउने तयारी गरेका हुन् । डेमोक्रेटिक सांसदहरुलेमात्र ल्याउने यो बिल रिपब्लिकन बहुमत रहेको सिनेटमा भने अगाडि बढ्न तत्काल सम्भव देखिन्न ।
९ जना न्यायाधिस रहेको सर्वोच्च अदालतमा अहिले ५ जना रिपब्लिकन र ३ जना डेमोक्रेटिक नियुक्त न्यायाधिसहरु रहेका छन् । राष्ट्रपति ट्रम्पले नोमिनेट गरेका न्यायाधिस नियुक्त भएमा ६ जना रिपब्लिकन नियुक्त र ३ जना डेमोक्र्याट्स नियुक्त न्यायाधिस हुनेछन् ।
रिपब्लिकन नियुक्त न्यायाधिसहरु कन्भजरभेटिभ र डेमोक्र्याट्स नियुक्त न्यायाधिसहरु लिबरल भएकाले यसले अमेरिकाको राजनीतिक परिदृश्यमा कैयन बर्षसम्म असर गर्नेछ । चुनावको मुखमा नयाँ न्यायाधिस नियुक्त गर्न नहुने डेमोक्र्याट्सहरुले तर्क गर्दै आएका छन् ।