Follow @khasokhasmag

तीस वर्षीय ‘मिस्टर यूके नेपाल २०१६’ रचित कुंवरको लन्डनमा निधन


प्रकाशित मिति : भाद्र २५, २०७७ बिहीबार

मिस्टर यूके नेपाल २०१६ रचित कुंवर (लाल) को लन्डनमा ‘हार्ट अट्याक’ का कारण निधन भएको छ ।

करिब तीस वर्षीय कुंवरको बुधबार दिउसो झण्डै एक बजे साउथ इष्ट लन्डनस्थित निवासमा निधन भएको नेपाली लिंकले जनाएको छ । उनको ‘कार्डियक अट्याक’ का कारण निधन भएको बताइएको छ ।

घट्ना लगत्तै एम्बुलेन्समा आएका प्यारामेडिक्सले एक घण्टा प्रयास गर्दा पनि उनलाई बचाउन नसकेको बताइएको छ ।

स्वर्गीय कुँवर ‘यूके नेपाल फेडेरेसन अफ बडीबिल्डिङ एन्ड फिटनेस’ (यूकेएनएफबीएफ) ले आयोजना गर्ने ‘मिस्टर यूके नेपाल’ प्रतियोगिताको सन् २०१६ का विजेता हुन् ।

लकडाउनका कारण महिनौंसम्म नेपालमा रोकिएका 
कुंवर दुई दिन अघि सोमबारमात्र लन्डन उत्रिएका थिए ।

लामो समयदेखि लन्डन बस्दै आएका रचित परिवारसहित अष्ट्रेलिया बसाइ सर्ने तयारीमा थिए । उनका बाबु आमा नेपालमा छन् । अविवाहित कुंवरका दुई दिदी छन् भने उनी एक्लो छोरा हुन् ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com