कोरोना संक्रमितको संख्या १० लाख नाघ्ने तेश्रो मुलक बन्यो भारत
प्रकाशित मिति : श्रावण २, २०७७ शुक्रबार
![](https://i0.wp.com/www.khasokhas.com/wp-content/uploads/2020/07/Corona.jpg?fit=1100%2C619&ssl=1)
नेपालको छिमेकी देश भारत कोरोना संक्रमितको संख्या १० लाख नाघ्ने विश्वकै तेश्रो मुलक बनेको छ । भारतमा कोरोना संक्रमण पुष्टी हुनेहरुको संख्या १० लाख ३६ हजार नाघेको छ ।
भारतमा कोरोना संक्रमणबाट अहिलेसम्म २६ हजारभन्दा धेरैको ज्यान गएको छ । भारतको कोरोनाको परीक्षणमा पनि तीब्रता ल्याएको छ । भारतमा अहिलेसम्म १ करोड ३० लाख भन्दा धेरैको कोरोना परीक्षण गरिसकिएको छ ।
विश्वमा सबैभन्दा धेरै कोरोना संक्रमण पुष्टी हुने मुलुकमा अमेरिका पहिलो नम्बरमा रहेको छ । अमेरिकामा अहिलेसम्म ३७ लाख भन्दा धेरैमा कोरोना संक्रमण पुष्टी भएको छ । अमेरिकामा कोरोनाबाट ज्यान गुमाउनेहरुको संख्या १ लाख ४१ हजार नाघेको छ ।
त्यस्तै ब्राजिलमा २० लाख भन्दा धेरैमा कोरोना संक्रमण पुष्टी भएको छ । ब्राजिलमा कोरोना संक्रमणबाट मृत्यु हुनेको संख्या ७६ हजार नाघिसकेको छ ।
विश्वमा कोरोन संक्रमण सबैभन्दा धेरै पुष्टी हुने देशहरुको सुचीमा नेपाल भने ६१ औं नम्बरमा छ । नेपालमा अहिलेसम्म १७ हजार बढीमा कोरोना संक्रमण पुष्टी भएको छ भने ४० जनाको ज्यान गएको छ ।