टेक्सासमा ज्यान गुमाएका १९ बर्षका गौतम र खत्रीप्रति प्रवासी नेपाली एकता मन्चको श्रद्धाञ्जली
प्रकाशित मिति : असार ३०, २०७७ मंगलबार
अमेरिकाको टेक्सासमा रहेको ब्राजोस नदिमा माछामार्न गएको बेला पानीमा डूबेर मृत्यु भएका १९ बर्षका त्रिशरण खत्री र हिकारु गौतमप्रति प्रवासी नेपाली एकता मन्च अमेरिकाले श्रद्धाञ्जली व्यक्त गरेको छ ।
टेक्सास निवासी सामाजिक अभियन्ता तथा प्रवासी नेपाली एकता मन्च अमेरिकाका केन्द्रीय सदस्य सरिता चौलागाई र समाजसेवी सुवोध गौतमका सुपुत्र १९ वर्षीय हिकारु गौतमको मृत्यु भएकोमा मञ्चका तर्फबाट शोकाकुल परिवारमा समवेदना व्यक्त गरिएको हो । प्रवासी नेपाली एकता मञ्च परिवारका तर्फबाट अध्यक्ष टेक गुरुङले श्रद्धाञ्जली तथा समवेदना व्यक्त गरेका हुन् ।
हिकारु गौतमको अन्तिम संस्कार आज विहान टेक्सासको ड्यालसमा गरिसकिएको छ ।
गौतम र खत्री अर्का एकजना भियतनामी साथीसँग माछा मार्न गएका थिए । गौतम पानीमा डूबेपछि बचाउन खोज्दा खत्री आफूपनि डूबेका थिए ।
दुईजनाको मृत्यु भएकोमा खत्रीको शव शनिबार राती ९ बजे र गौतमको शव आइतबार बेलुका साढे ६ बजे फेला परेको थियो । फोर्ट वर्थ निवासी उनीहरु बिहिबार राती नदिमा बेपत्ता भएका थिए ।
गौतम गतबर्षमात्र हाईस्कुल ग्रयाजुएट भएका थिए ।
सधै मुस्कुराउने स्वभावका त्रिशरण राम्रो फुटवल खेलाडी समेत रहेको डलास गोर्खाजले जनाएको छ । मेडिकल डाक्टर हुने सपना बोकेका उनको मृत्युले नेपाली समुदाय स्तब्ध भएको छ ।
खत्रीको सम्झना र अन्तिम विदाईका लागि डलास गोर्खाजले गोफण्डमीमा फण्डरेज गरिरहेको छ । उनको दाहसंस्कारका लागि परिवारलाई सहयोग गर्नका लागि फण्डरेज गरिएको डलास गोर्खाजले जनाएको छ ।
यदि तपाई पनि गोफण्डमीमार्फत सहयोग गर्न चाहनुहुन्छ भने यहाँ क्लिक गर्नुहोला ।