नेपालमा कोरोनाबाट १० जनाको मृत्यु, २ हजार ६३४ जना संक्रमित
प्रकाशित मिति : जेष्ठ २२, २०७७ बिहीबार
नेपालमा थप ३३४ जनामा कोरोना सङ्क्रमण पुष्टि भएको छ । नेपालमा सङ्क्रमित सङ्ख्या २ हजार ६३४ पुगेको स्वास्थ्य तथा जनसंख्या मन्त्रालयको नियमित पत्रकार सम्मेलनमा सो मन्त्रालयका प्रवक्ता डा. विकास देवकोटाले जानकारी दिनुभयो । सङ्क्रमित हुनेमा पुरुष दुईहजार ४५०, र महिला १८४ रहेका छन् ।
यस्तै कोरोनाभाइरस सङ्क्रमणका कारण थप एक जनाको मृत्यु भएको छ । यो सँगै नेपालमा कोरोनाका कारण मृत्यु हुनेको सङ्ख्या १० पुगेको छ । पाल्पाको पूर्वखोला गाउँपालिकाका ४५ वर्षीय पुरुषको मृत्यु जेठ २० गते भएको र स्वाब परीक्षण रिपोर्टमा पोजिटिभ आएको प्रवक्ता डा. विकास देवकोटाले जानकारी दिनुभयाे ।
यस्तै थप १२ जना संक्रमित निको भएर घर फर्किएका छन् । यससँगै नेपालमा कोरोना जितेर घर फर्किनेको संख्या २९० पुगेको छ ।