कोरोनाबाट दोलखाका ७६ वर्षीय पुरुषको मृत्यु, नेपालमा मृतकको संख्या ९

नेपाल डेस्क प्रकाशित: २१ जेष्ठ २०७७, बुधबार June 3, 2020

कोरोनाभाइरस संक्रमणबाट दोलखाका एक ७६ वर्षीय पुरुषको मृत्यु भएको छ । उनको त्रिवि शिक्षण अस्पतालमा उपचारका क्रममा बुधबार मृत्यु भएको प्रवक्ता डा विकास देवकोटाले जानकारी दिनुभयो ।

उनीसँगै नेपालमा कोरोनाबाट मृत्यु हुनेको संख्या ९ पुगेको स्वास्थ्य मन्त्रालयमा आयोजित नियमित पत्रकार सम्मेलनमा प्रवक्ता डा.विकास देवकोटाले जानकारी गराउनु भएको हो ।