नेपालमा एक हजार ४२ जनामा कोरोना पुष्टि, संक्रमणबाट ५ काे मृत्यु
प्रकाशित मिति : जेष्ठ १५, २०७७ बिहीबार
नेपालमा बुधबार एकैदिन अहिलेसम्मकै सबैभन्दा बढी संख्यामा कोरोना भाइरस संक्रमित पुष्टि भएको छ । कर्णाली प्रदेशको सुर्खेतका थप १५ जनामा कोरोनाभाइरस संक्रमण पुष्टि भएसँगै बुधबार एकैदिन १२९ जनामा कोरोना संक्रमण पुष्टि भएको हो ।
बिहीबार विभिन्न प्रयोगशालामा गरिएको परीक्षणमा थप भएका संक्रमितमा सप्तरीका १४, झापाका २५, नवलपुरका एक, धनुषाका २९, महोत्तरीका १७, रौतहटका २०, सर्लाहीका सात, सिराहाका ६, दोलखाका दुई, सोलुखुम्बुका दुई, बझाङका एक, स्याङ्जाका तीन, दार्चुलाका एक, कैलालीका दुई, मकवानपुरका एक, बर्दियाका तीन र बाँकेका एक, सुर्खेतका १३ र दैलेखका आठजना रहेको देवकोटाले जानकारी दिए । याेसँगै संक्रमित हुने जिल्लाकाे संख्या ५१ पुगेकाे छ ।
देवकोटाका अनुसार हालसम्म प्रदेश १ मा एक सय २९, प्रदेश २ मा चार सय १५, बागमती प्रदेशमा ४४, गण्डकी प्रदेशमा १७, प्रदेश ५ मा तीन सय ६९, कर्णाली प्रदेशमा ४७ र सुदूरपश्चिम प्रदेशमा २१ जना संक्रमित भएको बताए । त्यसैगरी एक सय ८७ जना भने निकाे भएर घर फर्केकाे मन्त्रालयले जनाएकाे छ ।