सीमा नाकामा अलपत्र नेपाली खान नपाएर मृत्यु
प्रकाशित मिति : जेष्ठ १४, २०७७ बुधबार
नेपाल-भारत सीमानाका जटहीमा अलपत्र एक जनाको मृत्युु भएको छ ।धनुषाको शहिदनगर नगरपालिकाका वडा नम्बर ९ स्थित गोठकोयलपुरका ३० वर्षीय युवकको मृत्यु भएको हो ।
भारतमा रोजगारी गुमेपछि जटही नाकामा आएका उनको खान समेत नपाएर कष्टकर जीवन जिउन पर्दा मृत्यु भएको दावीसहित नाकामा अलपत्र रहेका अन्य नेपालीहरुले प्रदर्शन गरेका छन् ।
घटनापछि नेपाल प्रवेश गरी उनीहरुले ज १ त १२१३ नम्बरको एम्बुलेन्समा समेत तोडफोड गरेका छन् । जटही नाकामा रहेको समय नेपाल सरकारले खानाको व्यवस्था नगरेको र खाना नपाएर एकजनाको मृृत्यु भएको उनीहरुको दावी छ । मृतकले अहमदावादमा होटलमा कुकको रुपमा काम गर्दै आएका थिए ।